BLEND TRAINING FOR HEADMASTERS

 പ്രധാനാധ്യാപക൪ക്കുളള   ബ്ള൯ഡ്  പരിശീലനം

രക്ഷാകര്‍ത്തൃ സമ്മേളനം

രക്ഷാകര്‍ത്തൃ സമ്മേളനം

 

സര്‍വ്വശിക്ഷാ അഭിയാന്റെ ആഭിമുഖ്യത്തില്‍ കുട്ടികളെ മികച്ച പൗരന്‍മാരാക്കി വളര്‍ത്തുന്നതില്‍ രക്ഷിതാവെന്ന നിലയില്‍ ഓരോരുത്തരുടെയും ഉത്തരവാദിത്വം ബോധ്യപ്പെടുത്തുന്നതിനായി 2014 നവംബര്‍ 21 വെള്ളിയാഴ്ച 2മണിക്ക് സ്ക്കൂളില്‍ വെച്ച് രക്ഷാകര്‍ത്തൃ സമ്മേളനം നടന്നു. ഹെഡ്മിസ്ട്രസ് പി.ശ്രീലത ടീച്ചര്‍ സ്വാഗത പ്രഭാഷണം നടത്തി. വാര്‍ഡ് മെമ്പര്‍ സൗദത്ത് ടി.കെ.എം. ഉദ്ഘാടനം ചെയ്തു. എം.പി.ടി.എ. പ്രസിഡണ്ട് സജിത, പി.പി.പി. ആശംസകളര്‍പ്പിച്ചു.

കുട്ടിയുടെ അവകാശങ്ങള്‍ സംരക്ഷിക്കുന്ന അവകാശാധിഷ്ഠിത വിദ്യാലയം,ക്ലീന്‍ സ്ക്കൂള്‍,സ്മാര്‍ട്ട് സ്ക്കൂള്‍,ശിശുസൗഹൃദ വിദ്യാലയം, എന്നീ സങ്കല്‍പ്പത്തിലേക്കുയരാന്‍ കൂട്ടായ ശ്രമങ്ങള്‍ ആവശ്യമാണെന്ന് ബോധ്യപ്പെടുത്തുന്ന ക്ലാസ്സ് അഹമ്മദ് കുട്ടി മാസ്റ്റര്‍, കെ.വിജയ ടീച്ചര്‍ എന്നിവര്‍ കൈകാര്യം ചെയ്തു.

ശാസ്ത്രമേള

ശാസ്ത്രമേളയില്‍ മികച്ച പ്രകടനം

ഒക്ടോബര്‍ 14,15, തീയ്യതികളിലായി കൈക്കോട്ട്കടവ് ഹൈസ്ക്കൂളില്‍ വെച്ച് നടന്ന ഉപജില്ലാ ശാസ്ത്ര, ഗണിതശാസ്ത്ര, പ്രവൃത്തി പരിചയ മേളയില്‍ കൈതക്കാട് എ.യു.പി. സ്ക്കൂളിലെ കുട്ടികള്‍ മികച്ച പ്രകടനം കാഴ്ചവെക്കുകയുണ്ടായി.

യു.പി.വിഭാഗം പൂക്കള്‍ നിര്‍മ്മാണത്തില്‍ ദിനില്‍ ദാസ് മൂന്നാം സ്ഥാനവും കയര്‍ കൊണ്ടുള്ള ചവിട്ടി നിര്‍മ്മാണത്തില്‍ ഷഹബാന.എ , “എ" ഗ്രേഡും, ഹസ്നത്ത് ബീവി മുത്തുകൊണ്ട് മാല കോര്‍ക്കലില്‍ "എ" ഗ്രേഡും, ഉമ്മു ഹാനിയ എംബ്രോയിഡറിയില്‍ "എ" ഗ്രേഡും, കുടനിര്‍മ്മാണത്തില്‍ മുഫീദലി "ബി" ഗ്രേഡും ബാഡ്മിന്റണ്‍ നെറ്റ് നിര്‍മ്മാണത്തില്‍ അര്‍ഷാദ് "ബി" ഗ്രേഡും കരസ്ഥമാക്കി. എല്‍.പി.വിഭാഗം ബാഡ്മിന്റണ്‍ നെറ്റ് നിര്‍മ്മാണത്തില്‍ വിസ്മയ.ഇ.വി.,എംബ്രോയിഡറിയില്‍ ഫായിസ് എ.കെ , കയര്‍ കൊണ്ടുള്ള ചവിട്ടി നിര്‍മ്മാണത്തില്‍ അനഘ എസ്.എസ്. എന്നിവര്‍ മൂന്നാം സ്ഥാനം നേടുകയുണ്ടായി. ഖദീജത്ത് സഫിയ മുത്തുകൊണ്ട് മാല കോര്‍ക്കലില്‍ "എ" ഗ്രേഡ് നേടി.

ശാസ്ത്രമേള എല്‍.പി.വിഭാഗം ചാര്‍ട്ടില്‍ ഫാത്തിമ.എം.,മുഹമ്മദ് നബീല്‍ എന്നിവര്‍ രണ്ടാം സ്ഥാനം "എ" ഗ്രേഡ് കരസ്ഥമാക്കി ജില്ലാതല മല്‍സരത്തിലേക്ക് അര്‍ഹത നേടി.

യു.പി. വിഭാഗം ഗണിത മാഗസിന് രണ്ടാം സ്ഥാനം "എ" ഗ്രേഡ് ലഭിച്ച് ജില്ലാ മേളയ്ക്ക് അര്‍ഹത നേടി.ജ്യോമട്രിക്കല്‍ ചാര്‍ട്ടില്‍ മഷ്റൂഫ.പി. മൂന്നാം സ്ഥാനം "എ" ഗ്രേഡ് നേടി. എല്‍.പി. വിഭാഗം ജ്യോമട്രിക്കല്‍ ചാര്‍ട്ടില്‍ നഫീസത്തുല്‍ മിസ്രിയ ക്ക് മൂന്നാം സ്ഥാനം ലഭിച്ചു.

ഐ.ടി. മേളയില്‍ യു.പി.വിഭാഗം മലയാളം ടൈപ്പിംഗില്‍ മുഹമ്മദ് മുസ്തഫ.എം.ടി.പി. മൂന്നാം സ്ഥാനം നേടി.

മേളയില്‍ മികച്ച പ്രകടനം കാഴ്ചവെച്ച കുട്ടികള്‍ക്ക് ഹെഡ്മിസ്ട്രസ് ശ്രീലത ടീച്ചര്‍ സ്ക്കൂള്‍ അസംബ്ലിയില്‍ സര്‍ട്ടിഫിക്കറ്റ് വിതരണം നടത്തി.

കായിക മേള

ഉപജില്ലാ കായികമേളയില്‍ ഉജ്വല നേട്ടം

2014-15 ചെറുവത്തൂര്‍ ഉപജില്ലാ കായികമേളയില്‍ കൈതക്കാട് എ.യു.പി. സ്ക്കൂള്‍ ഉജ്വല നേട്ടം കൈവരിച്ചു. എല്‍.പി.വിഭാഗം ഓവറോള്‍ ചാമ്പ്യന്‍ഷിപ്പ് രണ്ടാം സ്ഥാനം, യു.പി.വിഭാഗം ഓവറോള്‍ ചാമ്പ്യന്‍ഷിപ്പ് രണ്ടാം സ്ഥാനം, യു.പി.വിഭാഗം കിഡ്ഡീസ് ഗേള്‍സ് ഒന്നാം സ്ഥാനം എന്നിവ സ്ക്കൂള്‍ കരസ്ഥമാക്കി.

 

എല്‍.പി.വിഭാഗം മിനി ഗേള്‍സ് വ്യക്തിഗത ചാമ്പ്യന്‍ഷിപ്പ് രണ്ടാം ക്ലാസ് വിദ്യാര്‍ത്ഥിനി ഫാത്തിമത്ത് ഷിസ നേടി. മൂന്ന് ദിവസമായി പടന്ന എം.ആര്‍.വി.എച്ച്.എസ്.എസില്‍ നടന്ന ഉപജില്ലാ കായികമേളയില്‍ മികച്ച പ്രകടനം നടത്തിയ വിദ്യാര്‍ത്ഥികളെ സ്ക്കൂള്‍ അസംബ്ലിയില്‍ പി.ടി.എ. അനുമോദിച്ചു.

ഫാത്തിമത്ത് ഷിസ

വിദ്യാരംഗം

"കഥ ഹൃദയത്തിന്റെ കല"

-സി.വി.ബാലകൃഷ്ണന്‍

  

കഥ ഹൃദയത്തിന്റെ കലയാണെന്നും ബാല്യമാണ് എഴുത്തിന്റെ കവാടമെന്നും നോവലിസ്റ്റ് സി.വി. ബാലകൃഷ്ണന്‍ പറഞ്ഞു. ചെറുവത്തൂര്‍ ഉപജില്ല വിദ്യാരംഗം കലാസാഹിത്യവേദി കൈതക്കാട് എ.യു.പി. സ്ക്കൂളില്‍ സംഘടിപ്പിച്ച ഉപജില്ല വിദ്യാരംഗം കലോല്‍സവം ഉദ്ഘാടനം ചെയ്യുകയായിരുന്നു അദ്ദേഹം. ബാല്യകാലത്ത് സമാഹരിക്കുന്ന അറിവാണ് പില്‍ക്കാലത്ത് സര്‍ഗാത്മകതക്ക് തുണയാകുന്നത്.പുസ്തകങ്ങളെ കൂട്ടുകാരാക്കണം. രചനകള്‍ മൗലികമാകണമെന്നും അത് ഉള്ളില്‍ നിന്ന് വരുത്തണമെന്നും സി.വി. ബാലകൃഷ്ണന്‍ പറഞ്ഞു.

 

ചടങ്ങില്‍ പഞ്ചായത്ത് പ്രസിഡണ്ട് സി. കാര്‍ത്ത്യായനി അദ്ധ്യക്ഷത വഹിച്ചു. ലത്തിഫ് നീലഗിരി , എ.ഇ.ഒ. കെ.പി.പ്രകാശന്‍ , പി.ശ്രീലത, എം.ടി.പി. ഷാഹുല്‍ ഹമീദ്, ഇബ്രാഹിം തട്ടാനിച്ചേരി,ടി.കെ.ഫൈസല്‍, കെ.അബ്ദുള്‍ ഷുക്കൂര്‍ ഹാജി, പി,വി.മുഹമ്മദ് കുഞ്ഞി ഹാജി, എ.വി.അനിത എന്നിവര്‍ സംസാരിച്ചു.

പത്മപ്രഭാ പുരസ്ക്കാര ജേതാവ് സി.വി.ബാലകൃഷ്ണന് സംഘാടക സമിതിയുടെ സ്നേഹോപഹാരം എ.ഇ.ഒ. കെ.പി.പ്രകാശന്‍ മാസ്റ്റര്‍ സമര്‍പ്പിച്ചു.

 

ഹൈസ്ക്കൂള്‍ വിഭാഗത്തില്‍ പിലിക്കോട് ഹയര്‍ സെക്കന്ററി, കെ.എം.വി.എച്ച്. എസ്.എസ്. കൊടക്കാട് എന്നിവര്‍ സംയുക്ത ജേതാക്കളായി. ഉദിനൂര്‍ ജി.എച്ച്.എസ്.എസിനാണ് രണ്ടാം സ്ഥാനം. യു .പി. വിഭാഗത്തില്‍ എ.യു.പി.എസ്.ഉദിനൂര്‍ സെന്‍ട്രല്‍ ഒന്നും ജി.എച്ച്.എസ്.എസ്. കുട്ടമത്ത് രണ്ടും സ്ഥാനം നേടി.

എല്‍.പി.വിഭാഗത്തില്‍ എ.യു.പി.എസ്.പൊതാവൂര്‍ ,ഒന്നും എ.എല്‍.പി.എസ് നോര്‍ത്ത് തൃക്കരിപ്പൂര്‍, സെന്റ് പോള്‍സ് എ.യു,പി.എസ്. തൃക്കരിപ്പൂര്‍ എന്നിവര്‍ രണ്ടും സ്ഥാനങ്ങള്‍ നേടി.

 

സമാപന സമ്മേളനം കാസറഗോഡ് എം.എല്‍.എ എന്‍.എ.നെല്ലിക്കുന്ന് ഉദ്ഘാടനം ചെയ്തു. സ്ക്കൂള്‍ മാനേജര്‍ ലത്തീഫ് നീലഗിരി അദ്ധ്യക്ഷത വഹിച്ചു. എ.ഇ.ഒ. കെ.പി.പ്രകാശ്കുമാര്‍ സമ്മാനദാനം നിര്‍വ്വഹിച്ചു.പ്രോഗ്രാം കണ്‍വീനര്‍ പി.ദീപ നന്ദി രേഖപ്പെടുത്തി.

സമാപന സമ്മേളനം എന്‍.എ. നെല്ലിക്കുന്ന് ഉദ്ഘാടനം ചെയ്യുന്നു

വിദ്യാരംഗം സാഹിത്യോല്‍സവം 2014-15- മല്‍സര ഫലങ്ങള്‍

വിദ്യാരംഗം സാഹിത്യോല്‍സവം 2014-15- മല്‍സര ഫലങ്ങള്‍ക്ക് ഇവിടെ ക്ലിക്ക് ചെയ്യുക

പട്രോള്‍ ലീഡേര്‍സ്

പട്രോള്‍ ലീഡേര്‍സ്

ചെറുവത്തൂര്‍ ലോക്കല്‍ അസോസിയേഷന്‍ നടത്തിയ നാല് ദിവസത്തെ പട്രോള്‍ ലീഡേര്‍സ് ട്രെയിനിംഗ് ക്യാമ്പ് നാലിലാംങ്കണ്ടം ഗവണ്‍മെന്റ് യു.പി.സ്ക്കൂളില്‍ വെച്ച് നടന്നു. ക്യാമ്പില്‍ കൈതക്കാട് എ.യു.പി.സ്ക്കൂളില്‍ നിന്നും സ്കൗട്ട് & ഗൈഡിലെ നാല് കുട്ടികള്‍ പങ്കെടുക്കുകയും വിജയകരമായി പരിശീലനം പൂര്‍ത്തിയാക്കുകയും ചെയ്തു.

വിദ്യാരംഗം

വിദ്യാരംഗം സാഹിത്യോത്സവം

2014-15 അധ്യയന വര്‍ഷത്തെ ചെറുവത്തൂര്‍ ഉപജില്ലാ വിദ്യാരംഗം സാഹിത്യോത്സവം ഇന്നും മറ്റന്നാളുമായി കൈതക്കാട് എ യു പി സ്കൂളില്‍ വെച്ച് നടക്കും.സ്റ്റേജിതര മത്സരങ്ങളായ കഥാ രചന, കവിതാ രചന, ചിത്ര രചന, ഉപന്യാസം, സാഹിത്യ ക്വിസ്, എന്നീ ഇനങ്ങളിലായാണ് ഇന്ന് മത്സരം നടക്കുന്നത്. ഉപജില്ലയിലെ എണ്‍പതോളം വിദ്യാലയങ്ങളില്‍ നിന്നുള്ള വിദ്യാര്‍ത്ഥികള്‍ പരിപാടിയില്‍ പങ്കെടുക്കും.സാഹിത്യോത്സവത്തിന്റെ ഔപചാരികമായ ഉദ്ഘാടനം 23.10.2014 ന് രാവിലെ തൃക്കരിപ്പൂര്‍ എം എല്‍ എ കെ.കുഞ്ഞിരാമന്‍ നിര്‍വഹിക്കും. പത്മപ്രഭാ പുരസ്കാര ജേതാവായ പ്രശസ്ത സാഹിത്യകാരന്‍ സി വി ബാലകൃഷ്ണന്‍ മുഖ്യാതിഥിയായിരിക്കും. വൈകുന്നേരം നടക്കുന്ന സമാപന സമ്മേളനം കാസര്‍ഗോഡ് എം എല്‍ എ എന്‍.എ നെല്ലിക്കുന്ന് ഉദ്ഘാടനം ചെയ്യും.

vidyarangam notice

സാക്ഷരം

സാക്ഷരം ഇടക്കാല വിലയിരുത്തല്‍ രണ്ടാം ഘട്ടം

 

സാക്ഷരം പദ്ധതിയുടെ രണ്ടാം ഘട്ട വിലയിരുത്തല്‍ 09/10/2014 വ്യാഴാഴ്ച വൈകുന്നേരം4 മണിമുതല്‍ 5 മണിവരെ സ്ക്കൂളില്‍ വച്ച് നടന്നു.

വിദ്യാരംഗം

സംഘാടക സമിതി രൂപീകരിച്ചു

ചെറുവത്തൂര്‍ ഉപജില്ലാ വിദ്യാരംഗം സാഹിത്യോല്‍സവത്തിന്റെ സംഘാടക സമിതി രൂപീകരണയോഗം 2014 ഒക്ടോബര്‍ 1 ന് ബുധനാഴ്ച്ച ഉച്ചയ്ക്ക് 2.30 ന് സ്കൂളില്‍ വെച്ച് നടന്നു. സ്കൂള്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതം പറഞ്ഞു. പി ടി എ പ്രസിഡണ്ട്

ശാഹുല്‍ ഹമീദ് എം ടി പി യുടെ അധ്യക്ഷതയില്‍ വാര്‍ഡ് മെമ്പര്‍ ശ്രീമതി സൗദത്ത് ടി കെ എം ഉദ്ഘാടനം ചെയ്തു. ചെറുവത്തൂര്‍ ഉപജില്ലാ വിദ്യാഭ്യാസ ഓഫീസര്‍ ശ്രീ പ്രകാശന്‍ മാസ്റ്റര്‍ വിദ്യാരംഗം സാഹിത്യോല്‍സവത്തിന്റെ പ്രവര്‍ത്തനങ്ങള്‍ വിശദീകരിച്ചു.

പി കരുണാകരന്‍ എം പി, കെ കുഞ്ഞിരാമന്‍ എം എല്‍ എ, പി ശ്യാമളാദേവി [ജില്ലാ പഞ്ചായത്ത് പ്രസിഡണ്ട്],ടി വി ഗോവിന്ദന്‍[ബ്ളോക്ക് പഞ്ചായത്ത് പ്രസിഡണ്ട്], സ്കൂള്‍ മാനേജര്‍ ലത്തീഫ് നീലഗിരി, തുടങ്ങിയവരെ രക്ഷാധികാരികളായും ചെയര്‍മാനായി സി കാര്‍ത്ത്യായനി [പ്രസിഡണ്ട് ചെറുവത്തൂര്‍ ഗ്രാമ പഞ്ചായത്ത്] യെയും തെരെഞ്ഞെടുത്തു.

 

പ്രോഗ്രാം കമ്മിറ്റി, ഭക്ഷണ കമ്മിറ്റി, സ്വീകരണ കമ്മിറ്റി, സാമ്പത്തിക കമ്മിറ്റി, ട്രോഫി കമ്മിറ്റി, സ്റ്റേജ് & സൗണ്ട് കമ്മിറ്റി, രജിസ്ട്രേഷന്‍ കമ്മിറ്റി തുടങ്ങിയ സബ് കമ്മിറ്റികളും രൂപീകരിച്ചു.

കരകൗശലം

കുട്ടികളിലെ കരകൗശല വൈദഗ്ധ്യം

കൈതക്കാട് എ.യു.പി.സ്ക്കൂളിലെ പ്രവൃത്തി പരിചയ ക്ലബ്ബിന്റെ ആഭിമുഖ്യത്തില്‍ കുട്ടികളിലെ കരകൗശല വൈദഗ്ധ്യം കണ്ടെത്തുന്നതിന് വേണ്ടി നടത്തിയ മല്‍സരത്തില്‍ എല്ലാ കുട്ടികളും വളരെയേറെ ഉല്‍സാഹത്തോടെ പങ്കെടുക്കുകയുണ്ടായി.മല്‍സരത്തില്‍ രൂപപ്പെട്ട ഉല്‍പന്നങ്ങളുടെ പ്രദര്‍ശനം സ്ക്കൂളില്‍ സംഘടിപ്പിച്ചു.

 

സാക്ഷരം ക്യാമ്പ്

"ഉണര്‍ത്ത്" 2014

പ്രൈമറി ക്ലാസ്സുകളില്‍ വേണ്ടത്ര അക്ഷരം ഉറയ്ക്കാത്ത കുട്ടികള്‍ക്കായി ആരംഭിച്ച സാക്ഷരം പരിപാടിയുടെ ഭാഗമായി നടത്തിയ 'ഉണര്‍ത്ത്'' സര്‍ഗാത്മകക്യാമ്പ് പാട്ടിന്റെയും കളികളുടെയും അരങ്ങായി മാറി.

 

27/9/2014 ശനിയാഴ്ച്ച നടന്ന ക്യാമ്പ് സീനിയര്‍ അസിസ്റ്റന്റ‌്‌ അനിത ടീച്ചരുടെ അദ്ധ്യക്ഷതയില്‍ ഹെഡ്മിസ്ട്രസ് പി.ശ്രീലത ടീച്ചര്‍ ഉദ്ഘാടനം ചെയ്തു. എസ്.ആര്‍.ജി.കണ് വീനര്‍ വിജയ ടീച്ചര്‍ സ്വാഗതം പറഞ്ഞു. സ്റ്റാഫ് സെക്രട്ടറി ചന്ദ്രമതി ടീച്ചര്‍ ആശംസകള്‍ അര്‍പ്പിച്ച് സംസാരിച്ചു.

ഉദ്ഘാടനത്തിന് ശേഷം ക്യാമ്പ് ഗീതത്തോടുകൂടി രാവിലെ 9.30 ന് തുടങ്ങി 5.30 വരെ നീണ്ടു നിന്ന ക്യാമ്പില്‍ മൂന്ന് സെഷനുകളിലായി നാടന്‍പാട്ടുകള്‍,വായ്താരികള്‍,ഭാഷാകേളികള്‍,കഥകള്‍,നാടകാഭിനയം,നിര്‍മ്മാണപ്രവര്‍ത്തനങ്ങള്‍,തുടങ്ങിയവ നടത്തി. “വിനോദത്തോടൊപ്പം വിജ്ഞാനം" എന്ന ഉദ്ധേശത്തോടുകൂടി നടത്തിയ ക്യാമ്പ് കുട്ടികളില്‍ ആത്മവിശ്വാസമുണ്ടാക്കിയതായി കാണാന്‍ കഴിഞ്ഞു.