വണ്‍ മില്യണ്‍ ഗോള്‍ ക്യാംപെയ്ന്‍

  

ഫിഫ അണ്ടര്‍ 17 ലോക കപ്പ് ഇന്ത്യയില്‍ നടക്കുന്ന ആവേശത്തില്‍ ലോക കപ്പിന്റെ പ്രചാരണത്തിനായി സംഘടിപ്പിച്ച വണ്‍ മില്യണ്‍ ഗോള്‍ ക്യാംപെയിനിന്റെ ഭാഗമായി കൈതക്കാട് എ.യു.പി. സ്ക്കൂളില്‍ കുട്ടികള്‍, അധ്യാപകര്‍, പി.ടി.എ. അംഗങ്ങള്‍, നാട്ടുകാര്‍ എന്നിവര്‍ ഒരുമിച്ച് ചേര്‍ന്ന് ഗോള്‍ അടിച്ച് കൂട്ടി. ഹെഡ്മിസ്ട്രസ് ശ്രീലത ടീച്ചര്‍, അഹമ്മദ് കുട്ടി മാസ്റ്റര്‍ തുടങ്ങിയവര്‍ നേതൃത്വം നല്‍കി.

ചന്ദ്രിക - “അറിവിന്‍ തിളക്കം"

 

കൈതക്കാട് എ.യു.പി.സ്ക്കൂളില്‍ "ചന്ദ്രിക – അറിവിന്‍ തിളക്കത്തിന് " തുടക്കമായി. ചെറുവത്തൂര്‍ ഗ്രാമ പഞ്ചായത്ത് പതിമൂന്നാം വാര്‍ഡ് മെമ്പര്‍ കെ.പി. അനൂപ്കുമാര്‍ സ്പോണ്‍സര്‍ ചെയ്ത് "ചന്ദ്രിക " ദിനപത്രം 23/09/2017 ശനിയാഴ്ച സ്ക്കുള്‍ അസംബ്ലിയില്‍ സ്ക്കൂള്‍ ലീഡര്‍ക്ക് കൈമാറി. പ്രസ്തുത ചടങ്ങില്‍ പി.ടി.എ. പ്രസിഡണ്ട് ടി.കെ.ഫൈസല്‍, മാനേജര്‍ ഇന്‍ ചാര്‍ജ് ലത്തീഫ് നീലഗിരി , എ.സി.റസാഖ് ഹാജി, മദര്‍ പി.ടി.എ.പ്രസിഡണ്ട് ഉഷ എന്നിവര്‍ സംബന്ധിച്ചു.

ഓണാഘോഷം- 2017

കൈതക്കാട് ഏ.യു.പി.സ്ക്കൂള്‍ പി.ടി.എ കമ്മിറ്റിയുടെ നേതൃത്വത്തില്‍ വൈവിധ്യമാര്‍ന്ന പരിപാടികളോടെ ഓണാഘോഷം 31/08/2017 ന് സ്ക്കൂളില്‍ വെച്ച് നടത്തി.

പരിപാടിയുടെ ഉദ്ഘാടനം പി.ടി.എ പ്രസിഡണ്ട് ടി.കെ. ഫൈസലിന്റെ അധ്യക്ഷതയില്‍ ചെറുവത്തൂര്‍ ഗ്രാമ പഞ്ചായത്ത് പ്രസിഡണ്ട് ശ്രീ. മാധവന്‍ മണിയറ നിര്‍വ്വഹിച്ചു.

പി.ടി.എ. ഭാരവാഹികളും, മാനേജ്മെന്റ് ഭാരവാഹികളും പരിപാടിയില്‍ സംബന്ധിച്ചു. ചടങ്ങില്‍ വെച്ച് പഞ്ചായത്ത് പ്രസിഡണ്ട് ശ്രീ മാധവന്‍ മണിയറ സ്ക്കൂള്‍ ഡയറി കുട്ടികള്‍ക്ക് കൈമാറി.

തുടര്‍ന്ന് പൂക്കളമല്‍സരവും ഓണക്കളികളും നടത്തി. രക്ഷിതാക്കളുടെയും നാട്ടുകാരുടെയും അധ്യാപകരുടെയും സഹകരണത്തോടെ വിഭവ സമൃദ്ധമായ ഓണസദ്യ ഒരുക്കി.