ചെറുവത്തൂര്‍ ഗ്രാമ പഞ്ചായത്ത് സമഗ്ര വിദ്യാഭ്യാസ പദ്ധതി 2016

ചെറുവത്തൂര്‍ ഗ്രാമ പഞ്ചായത്ത്

സമഗ്ര വിദ്യാഭ്യാസ പദ്ധതി 2016

ചെറുവത്തൂര്‍ ഗ്രാമ പഞ്ചായത്ത് നടപ്പിലാക്കുന്ന സമഗ്ര വിദ്യാഭ്യാസ പദ്ധതിയുടെ ഭാഗമായി കൈതക്കാട് എ.യു. പി. സ്ക്കൂള്‍ അഞ്ചാം ക്ലാസ്സ് വിദ്യാര്‍ത്ഥികള്‍ക്കും, രക്ഷിതാക്കള്‍ക്കുമുള്ള ബോധവല്‍ക്കരണ ക്ലാസ്സും, പദ്ധതിയുടെ വിശദീകരണവും 15/06/2016 ബുധനാഴ്ച്ച ഉച്ചയ്ക് മൂന്ന് മണിക്ക് സ്ക്കൂളല്‍ വെച്ച് നടന്നു. പരിപാടിയുടെ ഉദ്ഘാടനം വാര്‍ഡ് മെമ്പര്‍ ശ്രീ. അനൂപിന്റെ അധ്യക്ഷതയില്‍ പഞ്ചായത്ത് പ്രസിഡണ്ട് ശ്രീ. മാധവന്‍ മണിയറ നിര്‍വ്വഹിച്ചു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. സ്റ്റാഫ് സെക്രട്ടറി ചന്രമതി ടീച്ചര്‍ നന്ദി രേഖപ്പെടുത്തി.

പ്രസ്തുത ചടങ്ങില്‍ വെച്ച് പയ്യങ്കി ജവാന്‍ പുരുഷ സഹായ സംഘം ഒന്ന്, രണ്ട് ക്ലാസ്സിലെ നിര്‍ധനരായ വിദ്യാര്‍ത്ഥികള്‍ക്ക് കുട വിതരണം ചെയ്തു.

പരിസ്ഥിതി ദിനം

ജൂണ്‍ 5-ലോക പരിസ്ഥിതി ദിനം

ലോക പരിസ്ഥിതി ദിനാചരണം വിവിധ പരിപാടികളോടെ സമുചിതമായി സ്ക്കൂളില്‍ നടത്തി. അസംബ്ളിയില്‍ പരിസ്ഥിതി ദിനാചരണത്തിന്റെ പ്രാധാന്യത്തെക്കുറിച്ച് ഹെഡ്മിസ്ട്രസ് ശ്രീലത ടീച്ചര്‍ സംസാരിച്ചു. ഓരോ പൗരനും സമഗ്ര മാറ്റം ഉള്‍ക്കൊണ്ട് പ്രകൃതി പരിപാലകരായി മാറാന്‍ കഴിയട്ടെ എന്ന് ടീച്ചര്‍ ആശംസിച്ചു.

തുടര്‍ന്ന് മുഴുവന്‍ വിദ്യാര്‍ത്ഥികള്‍ക്കും മരത്തൈ വിതരണം ചെയ്തു.സ്ക്കൂള്‍ വളപ്പില്‍ മുഴുവന്‍ മരം നട്ട് സംരക്ഷിക്കാന്‍ ക്ളാസ്സുകള്‍ക്ക് ചുമതല നല്‍കുകയും ചെയ്തു.പോസ്റ്റര്‍ നിര്‍മ്മാണം, പരിസ്ഥിതി ക്വിസ് , പരിസ്ഥിതി ക്ലബ്ബ് രൂപീകരണം എന്നിവ നടന്നു.

പ്രവേശനോല്‍സവം

പ്രവേശനോല്‍സവം- 2016-17

2016-17 അധ്യയന വര്‍ഷത്തെ നവാഗതരെ സ്വാഗതം  ചെയ്തുകൊണ്ട് പി.ടി.എ. യുടെയും നാട്ടുകാരുടെയും സഹകരണത്തോടെ പ്രവേശനോല്‍സവം വിപുലമായ പരിപാടികളോടെ സ്ക്കൂളില്‍ വെച്ച് നടത്തി. മുതിര്‍ന്ന ക്ലാസ്സിലെ കുട്ടികളുടെ നേതൃത്വത്തില്‍ നടന്ന പ്രവേശനഘോഷയാത്രയില്‍ പ്രവേശനോല്‍സവ ഗാനം ആലപിച്ചുകൊണ്ട് അക്ഷരലോകത്തേക്ക് കുരുന്നുകളെ സ്വാഗതം ചെയ്തു. 

പ്രവേശനോല്‍സവത്തിന്റെ ഉദ്ഘാടന ചടങ്ങില്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതം ആശംസിച്ചു. പി.ടി.എ. പ്രസിഡണ്ട് ഷാഹുല്‍ ഹമീദിന്റെ അധ്യക്ഷതയില്‍ വാര്‍ഡ് മെമ്പര്‍ ശ്രീ. അനൂപ് ഉദ്ഘാടനം നിര്‍വ്വഹിച്ചു. മാനേജ്മെന്റ് ഭാരവാഹികളും, പി.ടി.എ. മെമ്പര്‍മാരും ആശംസകളര്‍പ്പിച്ചു. 

 ഒന്നാംക്ലാസ്സിലെത്തിയ 40 കുട്ടികള്‍ക്ക്  പി.ടി.എ. യുടെ  ആഭിമുഖ്യത്തിലുള്ള പഠനോപകരണ കിറ്റ് മുന്‍ മാനേജര്‍ അബ്ദുല്‍ ഷുക്കൂര്‍ ഹാജി വിതരണം ചെയ്തു.

ഒന്നാംക്ലാസ്സിലെത്തിയ മുഴുവന്‍ കുട്ടികള്‍ക്കും കൈതക്കാട് യൂണിറ്റി ക്ലബ്ബിന്റെ നേതൃത്വത്തില്‍ മരത്തൈ വിതരണം ചെയ്തു.

 ഓരോ കുട്ടിയുടെയും പേരില്‍ ഓരോ മരം സ്ക്കൂള്‍ വളപ്പില്‍ വച്ചു പിടിപ്പിക്കാന്‍ തീരുമാനിച്ചു. തുടര്‍ന്ന് ഒന്നാം ക്ലാസ്സിലെ ഒരു കുട്ടി ക്ലബ്ബ് ഭാരവാഹികളുടെ നേതൃത്വത്തില്‍ മരം നട്ട് ഉദ്ഘാടനം ചെയ്തു. ഉച്ചയ്ക്ക് പായസവിതരണവും നടത്തി

.

ഒരുക്കം

ഒരുക്കം

ഏകദിന വിദ്യാഭ്യാസ ശില്പശാല (സ്ക്കൂള്‍ തലം)

2016-17  അദ്ധ്യയന വര്‍ഷത്തെ പ്രവര്‍ത്തനങ്ങളുടെ രൂപരേഖ തയ്യാറാക്കുന്നതിനു വേണ്ടി 31/05/2016 ന് സ്ക്കുള്‍തല ഏകദിന ശില്പശാല നടന്നു. ശില്പശാലയുടെ ഉദ്ഘാടനം എം.പി.ടി.എ പ്രസിഡണ്ട് സജിത പി.പി.പി യുടെ അധ്യക്ഷതയില്‍ പി.ടി.എ. പ്രസിഡണ്ട് ഷാഹുല്‍ ഹമീദ് എം.ടി.പി. നിര്‍വ്വഹിച്ചു. പത്തു മണി മുതല്‍ നാല് മണി വരെയുള്ള ശില്പശാലയില്‍ ജൂണ്‍,ജൂലൈ,ആഗസ്ത് മാസങ്ങളിലെ വിദ്യാലയ പ്രവര്‍ത്തനങ്ങളുടെ സൂക്ഷ്മതല ആസൂത്രണവും, അക്കാദമിക കലണ്ടറും തയ്യാറാക്കി. പ്രവേശനോല്‍സവത്തിനു വേണ്ടുന്ന മുന്നൊരുക്കങ്ങള്‍ നടത്തി. വിവിധ ക്ലബ്ബുകളുടെ ചുമതലകള്‍ അധ്യാപകര്‍ക്ക് വിഭജിച്ച് നല്‍കി. എല്‍പി., യുപി. എസ്.ആര്‍.ജി.കണ്‍വീനര്‍മാരെ തെരഞ്ഞെടുത്തു. ആദ്യത്തെ മൂന്ന് മാസത്തെ പ്രവര്‍ത്തന പാക്കേജ് തയ്യാറാക്കി. ഓരോ അധ്യാപകരുടെയും ചുമതലകള്‍ ബോധ്യപ്പെടുത്തി. ഒന്നാം ക്ലാസ്സിലെ നവാഗതര്‍ക്ക് പഠനോപകരണ കിറ്റും , യൂണിഫോമും നല്‍കാനും പ്രവേശനോല്‍സവത്തിന്റെ ഭാഗമായി പായസവിതരണം നടത്താനും തീരുമാനിച്ചു.

യു.എസ്.എസ്

യു.എസ്.എസ്. വിജയി.

ദേവിക വിനോദ്.

2015-16അധ്യയന വര്‍ഷത്തിലെ യു.എസ്.എസ്., സംസ്കൃതം സ്കോളര്‍ഷിപ്പ് നേടിയ ഏഴ്-എ ക്ലാസ്സിലെ 

 ദേവിക വിനോദ്.

ശ്രീ.അലിമാസ്റ്റരുടെ യാത്രയയപ്പ് വേളയില്‍ എടുത്ത സ്റ്റാഫ് ഗ്രൂപ്പ് ഫോട്ടോ.

വാര്‍ഷികാഘോഷം

വാര്‍ഷികാഘോഷവും

യാത്രയയപ്പ് സമ്മേളനവും

കൈതക്കാട് എ.യു.പി സ്ക്കൂളില്‍ 2015-16 അദ്ധ്യയന വര്‍ഷത്തെ വാര്‍ഷികാഘോഷവും സര്‍വ്വീസില്‍ നിന്നും വിരമിക്കുന്ന അറബി അധ്യാപകന്‍ ശ്രീ അലി മാസ്റ്റര്‍ക്കുള്ള യാത്രയയപ്പും 31/03/2016 വ്യാഴാഴ്ച്ച വന്‍ജനാവലിയുടെ സാന്നിധ്യത്തില്‍ വിവിധ പരിപാടികളോടെ സ്ക്കൂളില്‍ വെച്ച് നടന്നു. 

നീണ്ട ഇരുപത്തിയെട്ട് വര്‍ഷത്തെ സ്തുത്യര്‍ഹമായ അദ്ധ്യാപന സേവനത്തിന് ശേഷം സര്‍വ്വീസില്‍ നിന്നും വിരമിക്കുന്ന ശ്രീ അലി മാസ്റ്റര്‍ക്കുള്ള യാത്രയയപ്പ് സമ്മേളനത്തിന്റെ ഉദ്ഘാടനകര്‍മ്മം പി.ടി.എ വൈസ് പ്രസിഡണ്ട് ഇബ്രാഹിം തട്ടാനിച്ചേരിയുടെ അദ്ധ്യക്ഷതയില്‍ ചെറുവത്തൂര്‍ ഉപജില്ലാ വിദ്യാദ്യാസ ഓഫീസര്‍ ശ്രീ. ടി.എം സദാനന്ദന്‍ മാസ്റ്റര്‍ നിര്‍വ്വഹിച്ചു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. അലിമാസ്റ്റര്‍ക്കുള്ള പി.ടി.എ. യുടെ ഉപഹാരം പി.ടി.എ വൈസ് പ്രസിഡണ്ടും , സ്റ്റാഫിന്റെ ഉപഹാരം അനിത ടീച്ചരും സമര്‍പ്പിച്ചു.

മികച്ച ശാസ്ത്ര വിദ്യാര്‍ത്ഥിക്കുള്ള ഇ.കുഞ്ഞികൃഷ്ണന്‍ നമ്പി മാസ്റ്റര്‍ സ്മാരക എന്‍ഡോവ്മെന്റ് ഏഴാം ക്ലാസ്സിലെ ഷഹര്‍വാനയ്ക് ശ്രീ. രാജഗോപാലന്‍ മാസ്റ്റരും , സ്ക്കൂളിലെ മികച്ച വിദ്യാര്‍ത്ഥിക്കുള്ള ടി.വി. രാജീവന്‍ മാസ്റ്റര്‍ സ്മാരക എന്‍ഡോവ്മെന്റ് ഏഴാം ക്ലാസ്സിലെ ദേവിക വിനോദിന് ശ്രീമതി വിജയ ടീച്ചരും, ഓരോ ക്ലാസ്സിലേയും മികച്ച വിദ്യാര്‍ത്ഥികള്‍ക്കുള്ള സമ്മാനങ്ങള്‍ മുന്‍ മാനേജര്‍ എസ്.എ. ഷിഹാവും വിതരണം ചെയ്തു. intellectual scholarship പരീക്ഷയില്‍ നാലാം റാങ്ക് നേടിയ രണ്ടാം ക്ലാസ്സിലെ ഫാത്തീമ അപ്ദുള്‍ സത്താറിനുള്ള ഉപഹാരം മാനേജര്‍ എം.സി.ഇപ്രാഹിം ഹാജി യും, സംസ്കൃതം സ്കോളര്‍ഷിപ്പ് നേടിയ ദേവിക വിനോദിനുള്ള ഉപഹാരം മുന്‍ മാനേജര്‍ ലത്തീഫ് നീലഗിരിയും, 2015 ലെ എസ്.എസ്.എല്‍.സി പരീക്ഷയില്‍ കൈതക്കാട് പ്രദേശത്തു നിന്നും മികച്ച വിജയം നേടിയ സ്ക്കൂള്‍ പൂര്‍വ്വ വിദ്യാര്‍ത്ഥിനി എ. നുസൈറയ്ക്കുള്ള ഉപഹാരം മുന്‍ മാനേജര്‍ അപ്ദുള്‍ ഷുക്കൂര്‍ ഹാജിയും, കൈതക്കാട് പ്രദേശത്തെ യുവ എഴുത്തുകാരിയും പൂര്‍വ്വ വിദ്യാര്‍ത്ഥിനിയുമായ വഹീദ.എ.എം. നുള്ള ഉപഹാരം ശ്രീമതി. സജിത.പി.പി.പി.യും വിതരണം ചെയ്തു.

വാര്‍ഡ് മെമ്പര്‍ അനൂപ് കുമാര്‍, പി.ടി.എ. എക്സിക്യൂട്ടീവ് അംഗങ്ങള്‍, മാനേജ്മെന്റ് കമ്മിറ്റി അംഗങ്ങള്‍, സ്റ്റാഫ് പ്രതിനിധികള്‍ തുടങ്ങിയവര്‍ പരിപാടിക്ക് ആശംസകളര്‍പ്പിച്ചു. അലി മാസ്റ്റരുടെ മറുപടി പ്രസംഗത്തിന് ശേഷം സ്റ്റാഫ് സെക്രട്ടറി ശ്രീമതി. ചന്രമതി ടീച്ചര്‍ നന്ദി രേഖപ്പെടുത്തി.

തുടര്‍ന്ന് സ്ക്കൂള്‍ വിദ്യാര്‍ത്ഥികളുടെയും, പൂര്‍വ്വവിദ്യാര്‍ത്ഥികളുടെയും കലാപരിപാടികളും അരങ്ങേറി.