മലയാളത്തിളക്കത്തിന് തുടക്കമായി

മുഴുവന്‍ കുട്ടികളിലും മാതൃഭാഷാശേഷി ഉറപ്പാക്കുന്നതിന് പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സര്‍വ്വ‌ ശിക്ഷാ അഭിയാന്‍ സംഘടിപ്പിച്ച മലയാളത്തിളക്കത്തിന് സ്ക്കൂളില്‍ തുടക്കമായി.

സാധാരണ പ്രവര്‍ത്തി ദിവസങ്ങളിലെ നിശ്ചിത പഠന മണിക്കൂറിന് പുറമെയാണ് മുപ്പത് മണിക്കൂര്‍ അധിക സമയം കണ്ടെത്തുന്നത്. മലയാളത്തില്‍ എഴുത്ത്,വായന എന്നിവയില്‍ പ്രയാസം നേരിടുന്ന കുട്ടികള്‍ ഉണ്ടെങ്കില്‍ വ്യക്തിഗത ശ്രദ്ധ നല്‍കി അവരെക്കൂടി മുന്നിലേക്ക് എത്തിക്കലാണ് ലക്ഷ്യം.

ഒരാഴ്ചത്തെ പരിശീലനം ലഭിച്ച നഫീസത്ത് ടീച്ചര്‍ ഇനിയുള്ള ദിവസങ്ങളില്‍ പരിശീലനത്തിന് നേതൃത്വം നല്‍കും. പരിപാടിയുടെ ഉദ്ഘാടനം ഹെഡ്മിസ്ട്രസ് ശ്രീലത ടീച്ചരുടെ അദ്ധ്യക്ഷതയില്‍ പി.ടി.എ. പ്രസിഡണ്ട് ടി.കെ.ഫൈസല്‍ നിര്‍വ്വഹിച്ചു.

പൊതുവിദ്യാഭ്യാസ സംരക്ഷണയജ്ഞം

അക്കാദമിക മികവ് "വിദ്യാലയ മികവ്" എന്ന സന്ദേശവുമായി പൊതുവിദ്യാലയങ്ങളെ മികവിന്റെ കേന്രങ്ങളായി ഉയര്‍ത്തുക എന്ന ലക്ഷ്യത്തോടെ നവ കേരള വിഷന്റെ ഭാഗമായി കേരള സര്‍ക്കാര്‍ ആരംഭിച്ച പൊതുവിദ്യാഭ്യാസ പദ്ധതിക്ക് കേരളത്തിലുടനീളം 2017 ജനുവരി 27 ന് തുടക്കമായി.

കൈതക്കാട് സ്ക്കൂളില്‍ വെച്ച് നടന്ന പരിപാടി പി.ടി.എ.പ്രസിഡണ്ട് ടി.കെ.ഫൈസലിന്റെ അധ്യക്ഷതയില്‍ സ്ക്കൂള്‍ മാനേജര്‍ എം.സി.ഇബ്രാഹിം ഹാജി ഉദ്ഘാടനം ചെയ്തു. പൂര്‍വ്വ വിദ്യാര്‍ത്ഥി സംഘടനയുടെ ചെയര്‍മാന്‍ എസ്.എ.ശിഹാബ് പ്രതിജ്ഞാ വാചകം ചൊല്ലികൊടുത്തു. മദര്‍ പി.ടി.എ. പ്രസിഡണ്ട് യു.ഉഷ, ഇബ്രാഹിം തട്ടാനിച്ചേരി, ലത്തീഫ് നീലഗിരി തുടങ്ങിയവര്‍ സംസാരിച്ചു. മാനേജ്മെന്റ് ഭാരവാഹികള്‍ ,പി.ടി.എ. മെമ്പര്‍മാര്‍, രക്ഷിതാക്കള്‍, പൂര്‍വ്വവിദ്യാര്‍ത്ഥികള്‍, തുടങ്ങിയവര്‍ അണിചേര്‍ന്ന് പൊതുവിദ്യാഭ്യാസ സംരക്ഷണ വലയം തീര്‍ത്തു.

റിപ്പമ്പ്ലിക് ദിനാഘോഷം

ദാരതത്തിന്റെ അറുപത്തിയെട്ടാമത് റിപ്പമ്പ്ലിക് ദിനം വിവിധ പരിപാടികളോടെ ആഘോഷിച്ചു. മുഴുവന്‍ അധ്യാപകരുടെയും വിദ്യാര്‍ത്ഥികളുടെയും സാന്നിധ്യത്തില്‍ ഹെഡ്മിസ്ട്രസ് ഇന്‍ ചാര്‍ജ് പ്രസന്ന ടീച്ചര്‍ പതാക ഉയര്‍ത്തി. പി.ടി.എ.ദാരവാഹികളായ ടി.കെ.ഫൈസല്‍, ഇമ്പ്രാഹിം തട്ടാനിച്ചേരി, അരീഷ്, സ്ക്കള്‍ മാനേജര്‍ എം.സി.ഇമ്പ്രാഹിം ഹാജി തുടങ്ങിയവര്‍ റിപ്പമ്പ്ലിക് ദിനാശംസകള്‍ നേര്‍ന്നു.

ഷാരൂണ്‍, മുശ് രിഫ എന്നീ വിദ്യാര്‍ത്ഥികള്‍ റിപ്പമ്പ്ലിക് ദിനത്തിന്റെ പ്രാധാന്യത്തെക്കുറിച്ച് സംസാരിച്ചു. തുടര്‍ന്ന് ക്വിസ് മല്‍സരം, ദേശദക്തിഗാനാലാപനം തുടങ്ങിയ പരിപാടികള്‍ നടന്നു. മധുരപലഹാര വിതരണം നടത്തി.

പൊതുവിജ്ഞാന ബോധവല്‍ക്കരണ ക്ലാസ്സ്

പൊതുവിജ്ഞാനത്തിന്റെ ആവശ്യകത ബോധ്യപ്പെടുത്തുന്നതിനും, അത് നേടിയെടുക്കുന്നതിന് ചെറുപ്പത്തില്‍ തന്നെ താല്‍പര്യമുണ്ടാക്കുന്നതിനും വേണ്ടി കൈതക്കാട് എ.യു.പി. സ്ക്കൂള്‍ നല്ല പാഠം ക്ലബ്ബിന്റെ നേരൃത്വത്തില്‍ ക്ലാസ്സ് സംഘടിപ്പിച്ചു. ഹെഡ്മിസ്ട്രസ് ശ്രീലത ടീച്ചറിന്റെ അദ്ധ്യക്ഷതയില്‍ എന്‍. ജിജേഷ് മാസ്റ്റര്‍ ക്ലാസ്സെടുത്തു. പൊതുവിജ്ഞാനം നേടിയെടുക്കുന്നതില്‍ ദൃശ്യ, ശ്രാവ്യ മാധ്യമങ്ങള്‍ക്കുള്ള പ്രാധാന്യത്തെക്കുറിച്ച് കുട്ടികളുമായി ചര്‍ച്ച നടത്തി.

മികച്ച ജോലി സംമ്പാദിക്കുന്നതിനും ജീവിതസാഹചര്യങ്ങളുമായി പൊരുത്തപ്പെടുന്നതിനും അറിവ് അത്യാവശ്യമാണ്. അത് നേടിയെടുക്കുന്നതിന് ചെറുപ്പം മുതല്‍ വ്യക്തമായ ഒരു ലക്ഷ്യബോധവും കഠിനമായ പരിശ്രമങ്ങളും ആവശ്യമാണെന്ന് കുട്ടികള്‍ക്ക് ബോധ്യപ്പെടുന്നതായിരുന്നു ക്ലാസ്സ്. പരിപാടിയില്‍ നല്ല പാഠം കോര്‍ഡിനേറ്റര്‍ അബ്ദുള്‍ സമദ് മാസ്റ്റര്‍ നന്ദി രേഖപ്പെടുത്തി.

രാജീവന്‍ മാസ്റ്റര്‍

അനുസ്മരണം

ഫോട്ടോ അനാച്ഛാദനം

ചിത്രരചനാ മല്‍സരം

കൈതക്കാട് എ.യു.പി. സ്ക്കൂളിലെ അധ്യാപകനായിരുന്ന രാജീവന്‍ മാസ്റ്റരുടെ അഞ്ചാം ചരമവാര്‍ഷികത്തോടനുബന്ധിച്ച് 2016 ഡിസംബര്‍ 08 വ്യാഴാഴ്ച്ച ഉച്ചയ്ക് ഉപജില്ല തല എല്‍.പി,

യു.പി. വിഭാഗം വിദ്യാര്‍ത്ഥികള്‍ക്കുള്ള ചിത്രരചനാ മല്‍സരവും, ഫോട്ടോ അനാച്ഛാദനവും സ്ക്കൂളില്‍ വെച്ച് നടന്നു.

പ്രസ്തുത പരിപാടിയുടെ ഉദ്ഘാടനവും, ഫോട്ടോ അനാച്ഛാദനവും ഉപജില്ല വിദ്യാഭ്യാസ ഓഫീസര്‍

ശ്രീ.ടി.എം. സദാനന്ദന്‍ മാസ്റ്റര്‍, പി.ടി.എ പ്രസിഡണ്ട് ശ്രീ. ഫൈസല്‍.ടി.കെ.യുടെ അധ്യക്ഷതയില്‍ നിര്‍വ്വഹിച്ചു.

ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. എസ്.എസ്.എ.കാസര്‍ഗോഡ് അക്കൗണ്ട്സ് ഓഫീസര്‍ ശ്രീ. രഘുനാഥ്.പി.കെ അനുസ്മരണ പ്രഭാഷണം നടത്തി. എം.പി.ടി.എ. പ്രസിഡണ്ട് ശ്രീമതി.ഉഷ, ഇബ്രാഹിം തട്ടാനിച്ചേരി തുടങ്ങിയവര്‍ സംബന്ധിച്ചു. 

വിജയികള്‍ക്ക് ശ്രീ.അബ്ദുള്‍ ലത്തീഫ് നീലഗിരി സമ്മാനങ്ങള്‍ വിതരണം ചെയ്തു. സ്റ്റാഫ് സെക്രട്ടറി ചന്രമതി ടീച്ചര്‍ നന്ദി രേഖപ്പെടുത്തി.

                                സ്മരണാഞ്ജലി                               

                                     അഞ്ചാം ചരമവാര്‍ഷികം

                                                 08/12/2016

                                  രാജീവന്‍.ടി.വി.
                                                  (1970-2011)
                           എ.യു.പി.എസ്.കൈതക്കാട്

        

                               ലോക വികലാംഗ ദിനം

          ഡിസംബര്‍ 3 ലോകവികലാംഗ ദിനാചരണത്തിനോടനുബന്ധിച്ച് 02/12/2016 ന് സ്ക്കൂളില്‍ വെച്ച് പ്രത്യേക അസംബ്ലി ചേര്‍ന്ന്  ഭിന്നശേഷിക്കാര്‍ക്ക് നല്‍കേണ്ട കരുതലും പരിഗണനയും സംബന്ധിച്ച് ഹെഡ്മിസ്ട്രസ് ശ്രീലത ടീച്ചര്‍ സംസാരിച്ചു. കുട്ടികള്‍ക്ക് മധുര പലഹാരങ്ങളും ഭിന്നശേഷിയുള്ള കുട്ടികള്‍ക്ക് സമ്മാനങ്ങളും നല്‍കുകയുണ്ടായി. സല്‍മാന്‍, മുഹമ്മദ് ഇമ്രാന്‍ എന്നിവര്‍ കലാപരിപാടികള്‍ അവതരിപ്പിച്ചു.

ചെറുവത്തൂര്‍ ബി.ആര്‍.സി. യുടെ നേതൃത്വത്തില്‍ ഭിന്നശേഷിക്കാര്‍ക്ക് വേണ്ടി  കാലിക്കടവ് വെച്ച് നടത്തിയ തെരുവോര ചിത്രരചനയിലും, ബി.ആര്‍.സി. യില്‍ വെച്ച് നടത്തിയ കലാപരിപാടിയിലും സ്ക്കൂളിലെ കുട്ടികള്‍ പങ്കെടുത്തു.