റിപ്പബ്ലിക് ദിനാഘോഷം

ഭാരതത്തിന്റെ അറുപത്തി ഒമ്പതാമത് റിപ്പബ്ലിക് ദിനം വിവിധ പരിപാടികളോടെ ആഘോഷിച്ചു. മുഴുവന്‍ അധ്യാപകരുടെയും കുട്ടികളുടെയും സാന്നിധ്യത്തില്‍ ഹെഡ്മിസ്ട്രസ് ശ്രീലത ടീച്ചര്‍ പതാക ഉയര്‍ത്തി. സ്ക്കൂള്‍ മാനേജര്‍ ലത്തീഫ് നീലഗിരി, പി.ടി.എ.അംഗങ്ങളായ ഫൈസല്‍, അരീഷ് തുടങ്ങിയവര്‍ റിപ്പബ്ലിക് ദിനാശംസകള്‍ നേര്‍ന്നു.

വിദ്യാര്‍ത്ഥികള്‍ റിപ്പബ്ലിക് ദിനത്തിന്റെ പ്രാധാന്യത്തെക്കുറിച്ച് സംസാരിച്ചു. തുടര്‍ന്ന് ക്വിസ് മല്‍സരം, ദേശഭക്ത് ഗാനാലാപനം തുടങ്ങിയ പരിപാടികള്‍ നടന്നു. മധുരപലഹാര വിതരണം നടത്തി.

കോര്‍ണര്‍ പി . ടി . എ

പൊതുവിദ്യാഭ്യാസ സംരക്ഷണത്തിന്റെ ഭാഗമായി അദ്ധ്യാപക രക്ഷാകര്‍ത്തൃ ബന്ധം ശക്തമാക്കുന്നതിനും ക്ലാസ്സ് പി.ടി.എ.യോഗങ്ങളില്‍ പങ്കെടുക്കാന്‍ കഴിയാത്ത രക്ഷിതാക്കളെ കുട്ടികളുടെ പഠന നിലവാരവും മികവും അറിയിക്കുന്നതിനും വേണ്ടി 23/01/2018 ചൊവ്വാഴ്ച വൈകുന്നേരം അഞ്ച് മണിക്ക് തഖ് വ നഗറില്‍ കോര്‍ണര്‍ പി.ടി.എ. സംഘടിപ്പിച്ചു.

ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. പി.ടി.എ. പ്രസിഡണ്ട് ടി.കെ. ഫൈസല്‍ അദ്ധ്യക്ഷത വഹിച്ചു. മാനേജര്‍ ലത്തീഫ് നീലഗിരി ഉദ്ഘാടനം നിര്‍വ്വഹിച്ചു.

സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി. കുട്ടികളുടെ പാഠ്യ-പാഠ്യേതര പ്രവര്‍ത്തനങ്ങളുടെ മികവ് അവതരിപ്പിച്ചു. എല്‍. സി,ഡി. പ്രൊജക്ടര്‍ ഉപയോഗിച്ച് 2017-18 വര്‍ഷത്തെ മികവ് പ്രദര്‍ശിപ്പിച്ചു.

 

ദ്വിദിന ഇംഗ്ലീഷ് ക്യാമ്പ്

കുട്ടികളില്‍ ഇംഗ്ലീഷ് ഭാഷയില്‍ താല്‍പര്യം ജനിപ്പിക്കുന്നതിനും അനായാസമായി കൈകാര്യം ചെയ്യുന്നതിനുമായി ജനുവരി 19,20 ദിവസങ്ങളിലായി സ്ക്കൂളില്‍ ഇംഗ്ലീഷ് ക്യാമ്പ് സംഘടിപ്പിച്ചു.പഠന ക്യാമ്പിന്റെ ഉദ്ഘാടനം സ്ക്കൂള്‍ മാനേജര്‍ ലത്തീഫ് നീലഗിരി നിര്‍വ്വഹിച്ചു. പി.ടി.എ.വൈസ് പ്രസിഡണ്ട് ഇബ്രാഹിം തട്ടാനിച്ചേരി അദ്ധ്യക്ഷത വഹിച്ചു. ടി.കെ.ഫൈസല്‍, അനിത ടീച്ചര്‍ ആശംസകളര്‍പ്പിച്ച് സംസാരിച്ചു.ശ്രീലത ടീച്ചര്‍ സ്വാഗതവും, ചന്ദ്രമതി ടീച്ചര്‍ നന്ദിയും പറഞ്ഞു.

രണ്ട് ദിവസങ്ങളിലായി നടന്ന ക്യാമ്പിന് സ്പോക്കണ്‍ ഇംഗ്ലീഷ് അദ്ധ്യാപകന്‍ മഹേഷ് കുമാര്‍ നേതൃത്വം നല്‍കി. സംഭാഷണം തയ്യാറാക്കല്‍, വിവരണം, ഇംഗ്ലീഷ് റൈംസ്, സ്കിറ്റ് അവതരണം തുടങ്ങിയ പ്രവര്‍ത്തനങ്ങളിലൂടെ കുട്ടികള്‍ക്ക് പുതുമയാര്‍ന്ന അനുഭവങ്ങള്‍ നല്‍കാന്‍ ക്യാമ്പിന് കഴിഞ്ഞു.

"അനുമോദനവും സമ്മാന വിതരണവും"

2017-18 അദ്ധ്യയന വര്‍ഷത്തെ ചെറുവത്തൂര്‍ ഉപജില്ല കായികമേള/ശാസ്ത്രമേള /കലോല്‍സവം/മല്‍സരങ്ങളില്‍ പങ്കെടുത്ത് വിജയം കൈവരിച്ച കൈതക്കാട് സ്ക്കൂളിലെ വിദ്യാര്‍ത്ഥികള്‍ക്കുള്ള അനുമോദനവും സമ്മാന വിതരണവും ജനുവരി 6 ശനിയാഴ്ച ഉച്ചയ്ക്ക് രണ്ട് മണിക്ക് സ്ക്കൂളില്‍ സംഘടിപ്പിച്ചു.

പ്രസ്തുത പരിപാടി പി.ടി.എ. പ്രസിഡണ്ട് ടി.കെ. ഫൈസലിന്റെ അദ്ധ്യക്ഷതയില്‍ ജമായത്ത് പ്രസിഡ‍ണ്ട് വഎം.സി. ഇബ്രാഹിം ഹാജി ഉദ്ഘാടനം ചെയ്തു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. വിജയികള്‍ക്കുള്ള സമ്മാന വിതരണം സ്ക്കൂള്‍ മാനേജര്‍ ലത്തീഫ് നീലഗിരി നിര്‍വ്വഹിച്ചു.

വാര്‍ഡ് മെമ്പര്‍ അനൂപ് കുമാര്‍, പി.ടി.എ.ഭാരവാഹികളായ ഇബ്രാഹിം തട്ടാനിച്ചേരി, അരീഷ്, ശ്രീമതി ഉഷ തുടങ്ങിയവര്‍ സംബന്ധിച്ചു..

പ്രസ്തുത ചടങ്ങില്‍ വെച്ച് കൈതക്കാടിന്റെ യുവ കവയിത്രിയും പൂര്‍വ്വ വിദ്യാര്‍ര്‍ത്ഥിയുമായ വഹീദയെ അനുമോദിച്ചു. സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി.

"മലയാളത്തിളക്കം ഫലപ്രഖ്യാപനം"

കേരള വിദ്യാഭ്യാസ വകുപ്പിന്റെ നേതൃത്വത്തില്‍ പഠന പിന്നോക്കക്കാര്‍ക്കുള്ള നൂതന പഠന പരിശീലന പദ്ധതിയായ മലയാളത്തിളക്കം പദ്ധതിയുടെ ഒന്നാം ഘട്ട ഫല പ്രഖ്യാപനം ജനുവരി 6 ന് സ്ക്കളില്‍ വെച്ച് നടത്തി. പ്രീടെസ്റ്റ് നടത്തി മലയാള ഭാഷയില്‍ പിന്നോക്കം നില്‍ക്കുന്ന വിദ്യാര്‍ത്ഥികളെ കണ്ടെത്തി അദ്ധ്യയന സമയത്തിന് പുറമെ കൂടുതല്‍ സമയം പ്രയോജനപ്പെടുത്തി കുട്ടികളെ മുന്നോക്കക്കാരാക്കുന്ന പ്രവര്‍ത്തന പദ്ധതിയാണ് 'മലയാളത്തിളക്കം.

പ്രത്യേകം തയ്യാറാക്കിയ മൊഡ്യൂള്‍ പൂര്‍ത്തിയാക്കി പോസ്റ്റ് ടെസ്റ്റ് നടത്തി കുട്ടികളുടെ നിലവാരം ബോധ്യപ്പെട്ടതിന് ശേഷമാണ് ഒന്നാം ഘട്ട ഫലപ്രഖ്യാപനം നടത്തിയത്. കൈതക്കാട് സ്ക്കൂള്‍ ഉള്‍പ്പെടുന്ന പതിമൂന്നാം വാര്‍ഡ് മെമ്പര്‍ അനൂപ് കുമാറാണ് ഫലപ്രഖ്യാപനം നടത്തിയത്.

ചടങ്ങില്‍ ശ്രീലത ടീച്ചര്‍, മാനേജ്മെന്റ് ഭാരവാഹികള്‍, പി.ടി.എ.ഭാരവാഹികള്‍ തുടങ്ങിയവര്‍ സംബന്ധിച്ചു. വായനാ കാര്‍ഡുകള്‍ വായിച്ചും, പാട്ടുകള്‍ പാടിയും കുട്ടികള്‍ 'മലയാളത്തിളക്കത്തിന്റെ' മികവ് പ്രദര്‍ശിപ്പിച്ചു.

നല്ലവായന ലൈബ്രറി ശാക്തീകരണ പരിപാടി

നല്ല വായന, നല്ല പഠനം ,നല്ലജീവിതം പരിപാടിയുടെ ഭാഗമായി നവംബര്‍ 1 മുതല്‍ 14 വരെ സ്ക്കൂള്‍ ലൈബ്രറി വികസനത്തിനായി പുസ്തകം സമാഹരിക്കുന്നതിന് വേണ്ടി ഗൃഹസന്ദര്‍ശനം നടത്തി. കൈതക്കാട് പ്രദേശത്തുനിന്നും സ്ക്കൂള്‍ ലൈബ്രറിയിലേക്ക് പുസ്തകങ്ങളും, ധന സമാഹരണവും നടത്തിയപ്പോള്‍ നാട്ടുകാര്‍ നല്ല രീതിയില്‍ സഹകരിച്ചു.

നവംബര്‍ 14 ശിശു ദിനത്തില്‍ സ്ക്കൂള്‍ അസംബ്ലിയില്‍ വെച്ച് മാനേജ്മെന്റ് കമ്മിററി അംഗമായ എ.സി.റസാഖ് ഹാജി സ്ക്കൂള്‍ ലൈബ്രറിയിലേക്ക് പുസ്തകങ്ങള്‍ കൈമാറി. പി.ടി.എ.പ്രസിഡണ്ട് ടി.കെ.ഫൈസല്‍, ഹെഡ്മിസ്ട്രസ് ശ്രീലത ടീച്ചര്‍ തുടങ്ങിയവര്‍ സംബന്ധിച്ചു.

111 മാഗസിനുകളുടെ പ്രകാശനവുമായി കേരള പിറവി ആഘോഷിച്ചു.

കൈതക്കാട് എ.യു.പി സ്ക്കൂളില്‍ മലയാള നാടിന്റെ പിറവി അക്ഷര വിപ്ലവങ്ങള്‍ കൊണ്ട് ആഘോഷമാക്കി. കേവലം യു.പി. സ്ക്കൂള്‍ തലം മാത്രമുള്ള വിദ്യാലയത്തില്‍ നിന്നും കേരളം വിഷയമാക്കി 111 കയ്യെഴുത്ത് മാഗസിനുകള്‍ പുറത്തിറക്കി.

മലയാള നാടിനെക്കുറിച്ചുള്ള കഥകളും, കവിതകളുമെല്ലാം കുട്ടികള്‍ സ്വന്തം കൈയ്യെഴുത്തില്‍ പുസ്തകത്താളുകളില്‍ നിറച്ചു. അദ്ധ്യാപകരുടെ സജീവ പിന്തുണയും കൂടിച്ചേര്‍ന്നപ്പോള്‍ കുട്ടികളില്‍ സര്‍ഗ്ഗവൈഭവം തെളിഞ്ഞുവന്നു.

കാഞ്ഞങ്ങാട്ഡി.വൈ.എസ്.പി. കെ. ദാമോദരന്‍ പുസ്തകങ്ങളുടെ പ്രകാശനം നിര്‍വ്വഹിച്ചു. ഉപജില്ലാ വിദ്യാഭ്യാസ ഓഫീസര്‍ ടി.എം.സദാനന്ദന്‍, ബി.പി.ഒ. നാരായണന്‍ മാസ്റ്റര്‍, എന്നിവര്‍ മുഖ്യാതിഥികളായി. സ്ക്കള്‍ മാനേജര്‍ എം.സി. ഇബ്രാഹിം ഹാജി ഉദ്ഘാടനം ചെയ്തു. ലത്തീഫ് നീലഗിരി അദ്ധ്യക്ഷനായി. കെ. ശുക്കൂര്‍ ഹാജി, സി.സലാം ഹാജി, യു.കെ. ശെരീഫ്, എം.സി.സിദ്ധീഖ്, എം.കെ.അസ്ഹറുദ്ദീന്‍, അനിത ടീച്ചര്‍. ശ്രീലത ടീച്ചര്‍ തുടങ്ങിയവര്‍ സംസാരിച്ചു.

സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി. മികച്ച നിലവാരം പുലര്‍ത്തിയ പത്തുമാഗസിനുകള്‍ക്ക് ബോംബെ തര്‍ബിയ കമ്മിറ്റിയുടെ സമ്മാനം നല്‍കി.