സര്‍ഗ്ഗോല്‍സവം / മികവുല്‍സവം 2018

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിദ്യാലയങ്ങളെ മികവിന്റെ കേന്ദ്രങ്ങളാക്കുന്നതിനായി നടപ്പിലാക്കിയ പരിപാടികളുടെ നേട്ടങ്ങള്‍ സമൂഹവുമായി പങ്കിടുക എന്ന ലക്ഷ്യത്തോടെ സ്ക്കൂളിന്റെ സമീപ പ്രദേശമായ പയ്യങ്കിയില്‍ 23/03/2018 വെള്ളിയാഴ്ച്ച വൈകുന്നേരം 4:30 ന് സര്‍ഗ്ഗോല്‍സവം സംഘടിപ്പിച്ചു.

പരിപാടിയുടെ ഉദ്ഘാടനം പി.ടി.എ.പ്രസിഡണ്ട് ടി,കെ. ഫൈസലിന്റെ അധ്യക്ഷതയില്‍ ജമായത്ത് സെക്രട്ടറി അബ്ദുള്‍ ഷുക്കൂര്‍ ഹാജി നിര്‍വ്വഹിച്ചു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. സ്ക്കൂള്‍ മാനേജര്‍ ലത്തീഫ് നീലഗിരി , സി. ഷാഹു തുടങ്ങിയവര്‍ ആശംസകളര്‍പ്പിച്ചു.

മുനീര്‍ ഹുദവി പൊതുവിദ്യാഭ്യാസത്തിന്റെ പ്രസക്തിയെക്കുറിച്ച് ക്ലാസ്സെടുത്തു. സംസ്കൃതം സ്കോളര്‍ഷിപ്പ് ലഭിച്ച വിദ്യാര്‍ത്ഥികള്‍ക്ക് അനുമോദനം നല്‍കി.

സ്ക്കൂള്‍ മികവുകളുടെ സി.ഡി. പ്രദര്‍ശനം, കുട്ടികളുടെ സ്കിറ്റ്, കുട്ടികള്‍ നേടിയ ശേഷികളുടെ അവതരണം തുടങ്ങിയവ അവതരിപ്പിച്ചു. സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി.

വാര്‍ഷികാഘോഷവും

എന്‍ഡോവ്മെന്റ് വിതരണവും

2017-18 അദ്ധ്യയന വര്‍ഷത്തെ സ്ക്കൂള്‍ വാര്‍ഷികാഘോഷവും വിവിധ മേഖലകളില്‍ മികവ് തെളിയിച്ച വിദ്യാര്‍ത്ഥികള്‍ക്കുള്ള എന്‍ഡോവ്മെന്റ് വിതരണവും മാര്‍ച്ച് 3 ശനിയാഴ്ച്ച വന്‍ ജനാവലിയുടെ സാന്നിധ്യത്തില്‍ വിവിധ പരിപാടികളോടെ നടന്നു.

പരിപാടിയുടെ ഉദ്ഘാടനം പി.ടി.എ.പ്രസിഡണ്ട് ടി.കെ. ഫൈസലിന്റെ അദ്ധ്യക്ഷതയില്‍ കൈതക്കാട് ജമായത്ത് സെക്രട്ടറി ശ്രീ. കെ.അബ്ദുള്‍ ഷുക്കൂര്‍ ഹാജി നിര്‍വ്വഹിച്ചു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു.

ഒന്നു മുതല്‍ ഏഴു വരെ ക്ലാസ്സുകളിലെ മികച്ച വിദ്യാര്‍ത്ഥികള്‍ക്കുള്ള സമ്മാന വിതരണം ഖത്തര്‍ കമ്മിറ്റി അംഗം ശ്രീ. സി. അഷ്രഫ് ഹാജിയും, 2017 മാര്‍ച്ച് എസ്.എസ്.എല്‍.സി. പരീക്ഷയില്‍ ഉന്നത വിജയം നേടിയ പുര്‍വ്വ വിദ്യാര്‍ത്ഥികളായ സ്നേഹ, ആയിഷ. എ.വി. എന്നീ വിദ്യാര്‍ത്ഥികള്‍ക്കുളള ഉപഹാര സമര്‍പ്പണം സ്ക്കുള്‍ മാനേജര്‍ ശ്രീ.ലത്തീഫ് നീലഗിരിയും നിര്‍വ്വഹിച്ചു.

സ്ക്കുളിലെ മികച്ച ശാസ്ത്ര വിദ്യാര്‍ത്ഥിക്കുള്ള ഇ. കുഞ്ഞികൃഷ്ണന്‍ നമ്പി മാസ്റ്റര്‍ സ്മാരക എന്‍ഡോവ്മെന്റ് ഏഴ് ബി. ക്ലാസ്സിലെ ഗൗരീ ലക്ഷ്മിക്ക് ശ്രീ. ഒ.രാജഗോപാലന്‍ മാസ്റ്റരും, സ്ക്കൂളിലെ മികച്ച വിദ്യാര്‍ത്ഥിക്കുള്ള ടി.വി. രാജീവന്‍ മാസ്റ്റര്‍ സ്മാരക എന്‍ഡോവ്മെന്റ് എഴ് എ ക്ലാസ്സിലെ ഫൈസാന. എ. ക്ക് ശ്രീമതി. വിജയ ടീച്ചരും വിതരണം ചെയ്തു.

മാനേജ്മെന്റ് ഭാരവാഹികളായ റഫീഖ് ഹാജി, എം.എ.നാസര്‍, പി.ടി.എ. ഭാരവാഹികളായ ഇബ്രാഹിം തട്ടാനിച്ചേരി, ശ്രീമതി. ഉഷ, അനിത ടീച്ചര്‍ തുടങ്ങിയവര്‍ ആശംസകളര്‍പ്പിച്ചു.

സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി. തുടര്‍ന്ന് വിദ്യാര്‍ത്ഥികളുടെ സര്‍ഗ്ഗ വൈഭവങ്ങള്‍ പ്രകടിപ്പിക്കുന്ന കലാപരിപാടികള്‍ അരങ്ങേറി.

പഠന യാത്ര - 2017-18

2017-18 അദ്ധ്യന വര്‍ഷത്തെ യു.പി. തല വിദ്യാര്‍ത്ഥികളുടെ പഠന യാത്രയുടെ ഭാഗമായി 15/02/2018 വ്യാഴാഴ്ച്ച പറശ്ശിനിക്കടവ് സ്നേക്ക് പാര്‍ക്ക്, വിസ്മയ അമ്യൂസ്മെന്റ് പാര്‍ക്ക് തുടങ്ങിയവ സന്ദര്‍ശിച്ചു.

നൂറോളം വിദ്യാര്‍ത്ഥികള്‍ പങ്കെടുത്ത യാത്രയ്ക്ക് അനിത ടീച്ചര്‍, പ്രസന്ന ടീച്ചര്‍, വിജയ ടീച്ചര്‍, വിശ്വനാഥന്‍ മാസ്റ്റര്‍, പി.ടി,എ.മെമ്പര്‍ നുസ്റത്ത് തുടങ്ങിയവര്‍ നേതൃത്വം നല്‍കി.

അക്കാദമിക് മാസ്റ്റര്‍ പ്ലാന്‍ പ്രകാശനം

ഗുണമേന്‍മയുള്ള വിദ്യാഭ്യാസം കുട്ടികളുടെ അവകാശമാണ്. അതുകൊണ്ട് തന്നെ അക്കാദമിക് മികവ് വര്‍ദ്ധിപ്പിക്കുന്നതിനുള്ള കൃത്യമായ പദ്ധതികള്‍ രൂപപ്പെട്ട് വരേണ്ടതുണ്ട്.ഭാഷ,ശാസ്ത്രം,ഗണിതം, സാമൂഹിക ശാസ്ത്രം, തുടങ്ങി എല്ലാ വിഷയങ്ങളും എല്ലാ വിദ്യാര്‍ത്ഥികള്‍ക്കും ആസ്വാദ്യകരമാക്കാനും, അവരെ മികച്ച നിലവാരത്തിലേക്ക് വളര്‍ത്താനുമുള്ള സമയബന്ധിത പദ്ധതികളാണ് സ്ക്കൂളിലെ അക്കാദമിക് മാസ്റ്റര്‍ പ്ലാന്‍.

വിദ്യാലയത്തിന്റെ കാഴ്ചപ്പാട്, അക്കാദമിക് ലക്ഷ്യങ്ങള്‍, മുന്‍ഗണനകള്‍,ഭൗതിക സാഹചര്യം,വിഭവ വിനിയോഗം, തുടങ്ങിയ പരിപാടികള്‍ സമൂഹത്തിന്റെ പങ്കാളിത്തത്തോടെ നടപ്പിലാക്കുന്ന ഭാവി പ്രവര്‍ത്തനങ്ങളുടെ അക്കാദമിക് മാസ്റ്റര്‍ പ്ലാനിന്റെ പ്രകാശനകര്‍മ്മം വാര്‍ഡ് മെമ്പര്‍ ശ്രീ. അനൂപ് കുമാര്‍ സ്കകൂള്‍ മാനേജര്‍ ശ്രീ. ലത്തീഫ് നീലഗിരിക്ക് കൈമാറിക്കൊണ്ട് നിര്‍വ്വഹിച്ചു.

14/02/2018 ബുധനാഴ്ച്ച നടന്ന പരിപാടിയില്‍ പി.ടി.എ. പ്രസിഡണ്ട് ടി.കെ. ഫൈസല്‍ അദ്ധ്യക്ഷം വഹിച്ചു. ഹെഡ്മിസ്ട്രസ് ശ്രീലത ടീച്ചര്‍, പി.ടി.എ.ഭാരവാഹികളായ അരീഷ്, ഇബ്രാഹിം തട്ടാനിച്ചേരി തുടങ്ങിയവര്‍ സംബന്ധിച്ചു. സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി.

ക്ലാസ്സ് ലൈബ്രറി ഉദ്ഘാടനം

പൊതുവിദ്യാഭ്യാസ സംരക്ഷണത്തിന്റെ ഭാഗമായി മുഴുവന്‍ ക്ലാസ്സുകളിലും ക്ലാസ്സ് ലൈബ്രറി സംവിധാനം രക്ഷിതാക്കളുടെയും അദ്ധ്യാപകരുടെയും സംയുക്താഭിമുഖ്യത്തില്‍ ഏര്‍പ്പെടുത്തി.

കുട്ടികളുടെ വായന പരിപോഷിപ്പിക്കുന്നതിനായി ഒന്നുമുതല്‍ നാല് വരെയുള്ള മുഴുവന്‍ക്ലാസ്സുകളിലും ഷെല്‍ഫും പുസ്തകങ്ങളും ഒരുക്കി. ലൈബ്രറി ഉദ്ഘാടനം വാര്‍ഡ് മെമ്പര്‍ അനൂപ് കുമാര്‍ നിര്‍വ്വഹിച്ചു. ചടങ്ങില്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു.

പി.ടി.എ. പ്രസിഡണ്ട് ടി.കെ ഫൈസല്‍, ഇബ്രാഹിം തട്ടാനിച്ചേരി,അരീഷ്, ബി.ആര്‍.സി.ട്രെയിനര്‍ സ്നേഹലത ടീച്ചര്‍ തുടങ്ങിയവര്‍ സംബന്ധിച്ചു.

പഠനയാത്ര 2017 -18

2017 -18 അദ്ധ്യയന വര്‍ഷത്തെ എല്‍.പി,ക്ലാസ്സ് തല പഠനയാത്രയുടെ ഭാഗമായി കരിവെള്ളൂര്‍ സ്പിന്നിംഗ് മില്‍, നിത്യാനന്ദാശ്രമം, കാഞ്ഞങ്ങാട് ആനന്ദാശ്രമം, എരിക്കുളം മണ്‍പാത്ര നിര്‍മ്മാണ പ്രദേശം, മില്‍മ യൂണിറ്റ്, ബേക്കല്‍ കോട്ട തുടങ്ങിയ സ്ഥലങ്ങള്‍ സന്ദര്‍ശിച്ചു.

ചന്ദ്രമതി ടീച്ചര്‍, യമുന ടീച്ചര്‍, നഫീസത്ത് ടീച്ചര്‍ തുടങ്ങിയവര്‍ നേതൃത്വം നല്‍കി.

രക്ഷാകര്‍ത്തൃ പരിശീലനം

പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കാനുള്ള പ്രവര്‍ത്തനങ്ങളില്‍ സമൂഹത്തിന്റെ പങ്കാളിത്തം ഉറപ്പു വരുത്തുന്നതിനും വിദ്യാലയങ്ങളില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നടക്കുന്ന പ്രവര്‍ത്തനങ്ങള്‍ പങ്കുുവെയ്ക്കുന്നതിനുമായി വിദ്യാലയത്തില്‍ 2018 ഫെബ്രുവരി ഒന്ന് വ്യാഴാഴ്ച രണ്ട് മണിക്ക് രക്ഷാകര്‍ത്തൃ പരിശീലനം നടത്തി.

വാര്‍‍‍ഡ് മെമ്പര്‍ അനൂപ് കുമാര്‍, മാനേജര്‍ ലത്തീഫ് നീലഗിരി, പി.ടി.എ ഭാരവാഹികളായ ടി.കെ.ഫൈസല്‍, ഇബ്രാഹിം തട്ടാനിച്ചേരി, ഉഷ തുടങ്ങിയവര്‍ സംബന്ധിച്ചു. അറബിക് അദ്ധ്യാപികയായ ജസീറ ടീച്ചര്‍, ബി.ആര്‍.സി ട്രെയിനര്‍ സ്നേഹലത ടീച്ചര്‍ എന്നിവര്‍ ക്ലാസ്സ് കൈകാര്യം ചെയ്തു.

2017-18 വര്‍ഷത്തെ മികവുറ്റ പ്രവര്‍ത്തനങ്ങളുടെ സി.ഡി.പ്രദര്‍ശനം ഒരുക്കി.