പ്രവര്‍ത്തന കലണ്ടര്‍ ജൂലായ് 2018

സ്ക്കൂള്‍ ലീഡര്‍ തെരഞ്ഞെടുപ്പ് 2018-19

2018-19അധ്യയന വര്‍ഷത്തെ സ്ക്കൂള്‍ ലീഡര്‍ തെരഞ്ഞടുപ്പ്/13/07/2018 വെള്ളിയാഴ്ച്ച നടന്നു. സാമൂഹ്യശാസ്ത്ര ക്ലബ്ബിന്റെ നേതൃത്വത്തില്‍ നടന്ന തെരഞ്ഞെടുപ്പ് തികച്ചും ജനാധിപത്യ രീതിയിലായിരുന്നു.

സമ്മതിദായകാവകാശം വിനിയോഗിക്കുന്നതിനും, ജനാധിപത്യ രീതിയില്‍ തെരഞ്ഞെടുപ്പ് നടത്തുന്നത് എങ്ങിനെയെന്നും, പഠിക്കുന്നതോടൊപ്പം തെരഞ്ഞടുപ്പിന്റെ നടപടിക്രമങ്ങള്‍ നിയന്ത്രിച്ചത് കുട്ടികള്‍ തന്നെയായിരുന്നു.

മൂന്ന് സ്ഥാനാര്‍ത്ഥികള്‍ മല്‍സരിച്ച തെരഞ്ഞെടുപ്പ് കുട്ടികള്‍ വാശിയോടെയും, താല്‍പര്യത്തോടെയും ഏറ്റെടുത്തു. വിശ്വനാഥന്‍ മാസ്റ്റര്‍, വിജയ ടീച്ചര്‍ തുടങ്ങിയവര്‍ നേതൃത്വം നല്‍കി.

സ്ക്കുള്‍ ലീഡറായി ആറ്.എ. ക്ലാസ്സിലെ ഷഹാന. കെ.യും ഡപ്യൂട്ടി ലീഡറായി ഏഴ്. എ.ക്ലാസ്സിലെ റുഖിയാബി.എം. ഉം തെരഞ്ഞെടുക്കപ്പെട്ടു.

വോട്ടിംഗ് നില.

ആകെ പോള്‍ ചെയ്ത വോട്ട് - 154

ഷഹാന.കെ - 100

റുഖിയാബി.എം - 38

ഇര്‍ഫാന.ടി.പി - 14

അസാധു - 2

           സ്ക്കൂള്‍ ലീഡര്‍                                                           ഡപ്യൂട്ടി ലീഡര്‍       

ഷഹാന.കെ---ആറ്.എ

   

റുഖിയാബി.എം.---ഏഴ്-എ

ജൂലായ് -11 ലോക ജനസംഖ്യാ ദിനം

സ്ക്കൂളില്‍ ലോകജനസംഖ്യാദിനം വിവിധ പരിപാടികളോടെ ആചരിച്ചു. സ്ക്കൂള്‍ അസംബ്ലിയില്‍ ജനസംഖ്യാദിനത്തിന്റെ പ്രാധാന്യത്തെകുറിച്ച് ഹെഡ്മിസ്ട്രസ് ശ്രീലത ടീച്ചര്‍ വിശദീകരിച്ചു. ക്വിസ് മത്സരം, പോസ്റ്റര്‍ രചന തുടങ്ങിയ പരിപാടികള്‍ തുടര്‍ന്ന് നടന്നു.

ജൂലായ് 5 ബഷീര്‍ ചരമദിനം

 

വൈക്കം മൂഹമ്മദ് ബഷീറിന്റെ ചരമ ദിനം വിവിധ പരിപാടികളോടെ ആചരിച്ചു. സ്ക്കള്‍ അസംബ്ലിയില്‍ ബഷീര്‍ അനുസ്മരണം നടത്തി. ബേപ്പൂര്‍ സുല്‍ത്താന്റെ പുസ്തകങ്ങളുടെ പ്രദര്‍ശനം ഒരുക്കി.

ക്വിസ് മല്‍സരം, പുസ്തകാസ്വാദനം തുടങ്ങിയ പരിപാടികള്‍ സംഘടിപ്പിച്ചു. എല്‍.സി.ഡി. പ്രൊജക്ടര്‍ ഉപയോഗിച്ച് "ഇമ്മിണി ബല്യരാള്‍" , “ബഷീര്‍ ദ മാന്‍ " , “ഒരു മനുഷ്യന്‍" എന്നീ ഹ്രസ്വ ചലച്ചിത്രങ്ങള്‍ പ്രദര്‍ശിപ്പിച്ചു.

പി.ടി.എ. ജനറല്‍ബോഡി യോഗം 2018-2019

2018-19 അദ്ധ്യയനവര്‍ഷത്തെ പി.ടി,എ.ജനറല്‍ബോഡി യോഗം

27/06/2018.‌‌‌‍ ബു‍ധനാഴ്ച ഉച്ചയ്ക്ക് 2 മണിക്ക് സ്ക്കൂളില്‍ വെച്ച് നടന്നു. പി.ടി.എ.വൈ.പ്രസിഡണ്ട് ഇബ്രാഹിം തട്ടാനിച്ചേരി‍യുടെ അദ്ധ്യക്ഷതയില്‍ പി.ടി.എ പ്രസിഡണ്ട്, ടി.കെ. ഫൈസല്‍ ഉദ്ഘാടനം ചെയ്തു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതം ആശംസിച്ചു. പുതിയ അദ്ധ്യയന വര്‍ഷത്തേക്കുള്ള ഭാരവാഹികളെ തെരഞ്ഞടുത്തു.

ടി.കെ. ഫൈസല്‍ പി.ടി.എ.പ്രസിഡണ്ടായും, ഇബ്രാഹിം തട്ടാനിച്ചേരി പി.ടി.എ. വൈസ് പ്രസിഡണ്ടായും, സലീമ അരവിന്ദ് എം.പി.ടി.എ.പ്രസിഡണ്ടായും, ശ്രീമതി. റാഷിഫ.പി എം.പി.ടി.എ. വൈസ് പ്രസിഡണ്ടായും തെരഞ്ഞെടുക്കപ്പെട്ടു.

ഈ വര്‍ഷം മുതല്‍ നടപ്പിലാക്കി വരുന്ന ഹലോ ഇംഗ്ലീഷ് പ്രവര്‍ത്തനങ്ങളുടെ മികവ് രക്ഷിതാക്കള്‍ക്ക് മുമ്പില്‍ കുട്ടികള്‍ അവതരിപ്പിച്ചു.

വായനാദിനം ആചരിച്ചു.

പി.എന്‍.പണിക്കരുടെ ചരമദിനമായ ജുണ്‍ 19 ന് വായനാവാരാചരണത്തിന്റെ ഉദ്ഘാടനം സ്ക്കൂളില്‍ വെച്ച് നടത്തി. സ്ക്കൂള്‍ അസംബ്ളിയില്‍ ഹെഡ്മിസ്ട്രസ് ശ്രീലത ടീച്ചര്‍ പി.എന്‍. പണിക്കര്‍ അനുസ്മരണം നടത്തി. വായനാവാരാചരണത്തിന്റെ പ്രാധാന്യത്തെക്കുറിച്ച്കുട്ടികളോട് സംസാരിച്ചു.

തുടര്‍ന്ന് ലൈമ്പ്രറി പുസ്തക വിതരണം നടത്തി. വാരാചരണത്തിന്റെ ഭാഗമായി പുസ്തക പ്രദര്‍ശനം, വായനാ മല്‍സരം, സാഹിത്യ ക്വിസ്, സാഹിത്യകാരന്‍മാരെ പരിചയപ്പെടല്‍, കഥാരചന, പുസ്തകാസ്വാദനം തുടങ്ങിയ പരിപാടികള്‍ ഒരാഴ്ചക്കാലം സംഘടിപ്പിക്കുന്നതിനും തുടക്കമായി.

ജൂണ്‍ 5 ലോകപരിസ്ഥിതി ദിനം

ലോക പരിസ്ഥിതി ദിനം വിവിധ പരിപാടികളോടെ ആഘോഷിച്ചു. സ്ക്കൂള്‍ അസംബ്ലിയില്‍ ഹെഡ്മിസ്ട്രസ് ശ്രീലത ടീച്ചര്‍ ഇക്കൊല്ലത്തെ പരിസ്ഥിതി സന്ദേശത്തെക്കുറിച്ചും പ്രകൃതി കാലാവസ്ഥാ വ്യതിയാനങ്ങള്‍ എന്നിവയെക്കുറിച്ചും സംസാരിച്ചു.

ഓരോ പൗരനും സമഗ്ര മാറ്റം ഉള്‍ക്കൊണ്ട് പ്രകൃതി പരിപാലകരായി മാറാന്‍ കഴിയട്ടെ എന്ന് ടീച്ചര്‍ ആശംസിച്ചു.

പ്രകൃതിയില്‍ ഉണ്ടായിക്കൊണ്ടിരിക്കുന്ന മാറ്റങ്ങള്‍ അതിന്റെ പ്രത്യാഘാതങ്ങള്‍ , പരിസ്ഥിതി സംരക്ഷണത്തിന്റെ പ്രാധാന്യം തുടങ്ങിയവ മാനേജര്‍ ലത്തീഫ് നീലഗിരി സംസാരിച്ചു.

തുടര്‍ന്ന് മുഴുവന്‍ കുട്ടികള്‍ക്കും വൃക്ഷത്തൈ വിതരണം ചെയ്തു. സ്ക്കൂള്‍ വളപ്പിലും, പരിസര പ്രദേശങ്ങളിലും വൃക്ഷത്തൈകള്‍ നട്ടു. പരിസ്ഥിതി ദിന ക്വിസ് , പോസ്റ്റര്‍ രചനാ മല്‍സരം എന്നിവ സംഘടിപ്പിച്ചു. പരിസ്ഥിതി ക്ലബ്ബ് രൂപീകരിച്ചു. വൃക്ഷത്തൈകള്‍ സംരക്ഷിക്കുന്നതിന് വിദ്യാര്‍ത്ഥികളെ ഗ്രൂപ്പുകളാക്കി ചുമതലകള്‍ നല്‍കി.