യു.എസ്.എസ്.വിജയി 2019 

അതുല്യ.പി.പി

സംസ്കൃതം സ്കോളര്‍ഷിപ്പ് വിജയി  2019

ശ്രീഹരി.എം

 

ഗൈഡ് യൂണിറ്റ് രൂപീകരിച്ചു

കൈതക്കാട് എ.യു.പി. സ്ക്കൂളില്‍ ഗൈഡ് യൂണിറ്റ് രൂപീകരിച്ചു. സ്ക്കൂള്‍ ഹെഡ്മിസ്ട്രസ് ശ്രീലത ടീച്ചരുടെ അധ്യക്ഷതയില്‍ വാര്‍ഡ് മെമ്പര്‍ കെ.പി.അനൂപ്കുമാര്‍ ഉദ്ഘാടനം ചെയ്തു.

ചന്ദ്രമതി ടീച്ചര്‍ സ്വാഗതമാശംസിച്ചു. സ്കൗട്ട് ഹെഡ്ക്വാര്‍ട്ടേര്‍സ് കമ്മീഷണര്‍ കെ.വി.ശശിധരന്‍, ഗൈഡ് വിഭാഗം ട്രെയിനര്‍ പത്മിനി ടീച്ചര്‍, അനിത ടീച്ചര്‍ തുടങ്ങിയവര്‍ ആശംസകളര്‍പ്പിച്ചു. സ്ക്കൂള്‍ ഗൈഡ് ക്യാപ്റ്റന്‍ ജസീറ ടീച്ചര്‍ നന്ദി പ്രകാശിപ്പിച്ചു.

പഠനയാത്ര

2018-19 അധ്യയന വര്‍ഷത്തെ പഠന യാത്ര 14.02.2019ന് എറണാകുളത്തേക്ക് സംഘടിപ്പിച്ചു.വിജ്ഞാനവും വിനോദവുമായി രണ്ട് ദിവസത്തെ പഠനയാത്രയില്‍ മട്ടാഞ്ചേരി പാലസ്,തൃപ്പൂണിത്തുറ പാലസ്, ഫോര്‍ട്ട് കൊച്ചി,മെട്രോ,മറൈന്‍ ഡ്രൈവ്, കിറ്റെക്സ്, അന്നാ അലൂമിനിയം,ആതിരപ്പള്ളി, സില്‍വര്‍ സ്റ്റോം തുടങ്ങിയവ സന്ദര്‍ശിച്ചു

അനിത ടീച്ചര്‍, വിജയ ടീച്ചര്‍, സമദ് മാസ്റ്റര്‍ തുടങ്ങിയവര്‍ നേതൃത്വം നല്‍കി.

കബഡി ഫെസ്റ്റില്‍ കൈതക്കാട് എ.യു.പി. 


സ്ക്കൂളിന് മൂന്നാം സ്ഥാനം

എസ്.എസ്.എ.യുടെ ആഭിമുഖ്യത്തില്‍ മാവിലാ കടപ്പുറം സ്ക്കൂളില്‍ വെച്ച് നടത്തിയ ഉപജില്ല തല കബഡി ഫെസ്റ്റില്‍ കൈതക്കാട് എ.യു.പി. സ്ക്കൂള്‍ മൂന്നാം സ്ഥാനം കരസ്ഥമാക്കി. സ്ക്കൂള്‍ അസംബ്ലിയില്‍ വിജയികളെ അനുമോദിച്ചു.

സ്ക്കൂള്‍ കായികമേള

പ്രളയ ദുരന്തം കാരണം യു.പി.തലം വരെയുള്ള കുട്ടികള്‍ക്ക് ഈ വര്‍ഷം സബ് ജില്ലാ തല കായിക മേള നടത്താത്തതിനാല്‍ കൈതക്കാട് എ.യു.പി.സ്ക്കൂളില്‍ 2/3/2019 ശനിയാഴ്ച്ച സ്ക്കൂള്‍ തല കായിക മേള സംഘടിപ്പിച്ചു.

നാല് ഹൗസുകളായി തിരിച്ച് നടത്തിയ കായിക മേള കുട്ടികളുടെ കായിക പ്രകടനത്തിന് വേദിയായി. പി.ടി.എ പ്രസിഡണ്ട് ടി.കെ. ഫൈസലിന്റെ അധ്യക്ഷതയില്‍ ഹെഡ്മിസ്ട്രസ് ശ്രീലത ടീച്ചര്‍ കായിക മേള ഉദ്ഘാടനം ചെയ്തു.

ഗണിത വിജയം

എസ്.എസ്.എ.യുടെ ആഭിമുഖ്യത്തില്‍ ഗണിത വിഷയത്തില്‍ പിന്നോക്കം നില്‍ക്കുന്ന കുട്ടികളെ കണ്ടെത്തി മുന്നോക്കത്തിലേക്കെത്തിക്കുന്നതിനായി നാല് ദിവസത്തെ ഗണിത വിജയം ട്രൈ ഔട്ട് ക്ലാസ്സ് കൈതക്കാട് എ.യു.പി. സ്ക്കൂളില്‍ ആരംഭിച്ചു.

ഹെഡ്മിസ്ട്രസ് ശ്രീലത ടീച്ചര്‍ ഉദ്ഘാടനം ചെയ്തു. വിവിധ ബി.ആര്‍.സി. കളില്‍ നിന്നായി അഞ്ച് അധ്യാപകരാണ് ക്ലാസ്സ് കൈകാര്യം ചെയ്യുന്നത്.

രാവിലെ പത്തു മണിമുതല്‍ വൈകുന്നേരം നാല് മണി വരെ നടക്കുന്ന ഈ നാല് ദിവസത്തെ പരിശീലന പരിപാടി ചെറുവത്തൂര്‍ എ.ഇ.ഒ. വിജയകുമാര്‍ മാസ്റ്റരും, ഡി.പി.ഒ. ഗംഗാധരന്‍ മാസ്റ്റരും സന്ദര്‍ശിച്ചു.

പഠനോല്‍സവം 2019

പൊതുവിദ്യാഭ്യാസ സംരക്ഷണയജ്‍ഞത്തിന്റെ ഭാഗമായി വിദ്യാലയ പഠന മികവുകളും പഠന പുരോഗതിയും സമൂഹവുമായി പങ്കുവെയ്ക്കുന്നതിനായി പഠനോല്‍സവം 2019 ഫെബ്രുവരി 13ന് ബുധനാഴ്ച്ച സ്ക്കൂളില്‍ സംഘടിപ്പിച്ചു.

രക്ഷിതാക്കളും കുട്ടികളുമായി ഉല്‍സവാന്തരീക്ഷത്തില്‍ നടന്ന പരിപാടിയുടെ ഉദ്ഘാടനം വാര്‍ഡ് മെമ്പര്‍ ശ്രീ. അനൂപ്കുമാര്‍ നിര്‍വ്വഹിച്ചു.

സ്വാഗതമാശംസിച്ചും അധ്യക്ഷ പദവി അലങ്കരിച്ചും ആശംസകളര്‍പ്പിച്ചും വിദ്യാര്‍ത്ഥികള്‍ തന്നെയാണ് ചടങ്ങ് നിയന്ത്രിച്ചത്. ഹെഡ്മിസ്ട്രസ് ശ്രീലത ടീച്ചര്‍,ബി.ആര്‍.സി.ട്രെയിനര്‍ സ്നേഹലത ടീച്ചര്‍, പി.ടി.എ.ഭാരവാഹികള്‍,മാനേജ്മെന്റ് പ്രതിനിധികള്‍ തുടങ്ങിയവരും ആശംസകളര്‍പ്പിച്ചു.

തുടര്‍ന്ന് പഠന മികവുകളുടെ അവതരണത്തിന്റെ തുടക്കം കുറിച്ചുകൊണ്ട് സദസ്സിന്റെ മുമ്പാകെ ശാസ്ത്ര പരീക്ഷണങ്ങള്‍ നടത്തി.

പിന്നീട് ഒന്നുമുതല്‍ ഏഴു വരെ ക്സാസ്സുകളില്‍ രക്ഷിതാക്കളുടെ സാന്നിധ്യത്തില്‍ വിദ്യാര്‍ത്ഥികള്‍ അവരുടെ പഠന മികവുകള്‍ പ്രദര്‍ശിപ്പിച്ചു.

 

വൈകുന്നേരം ആലന്തട്ട സ്ക്കൂള്‍ അധ്യാപകന്‍ വിനോദ് മാഷ് ശാസ്ത്ര പരീക്ഷണ കളരി നടത്തി.

തുടര്‍ന്ന് പി.ടി.എ. മെമ്പര്‍ സുധാകരന്‍ പടന്നയുടെ നേതൃത്വത്തില്‍ നാടന്‍പാട്ട് അവതരിപ്പിച്ചു.

രാത്രി ഏഴുമണിമുതല്‍ ആനന്ദ് മാസ്റ്റര്‍ പേക്കടം നക്ഷത്ര നിരീക്ഷണ ക്ലാസ്സും, നക്ഷത്ര നിരീക്ഷണവും നടത്തി.

 

രാവിലെ പത്തു മണി മുതല്‍ രാത്രി ഒമ്പത് മണി വരെ നടന്ന പഠനോല്‍സവം വിദ്യാര്‍ത്ഥികള്‍ക്കും രക്ഷിതാക്കള്‍ക്കും നവ്യാനുഭവമായി.

വായന പരിപോഷിപ്പിക്കാന്‍ ചന്ദ്രിക ദിനപത്രം

ചന്ദ്രിക കാമ്പയിനിന്റെ ഭാഗമായി കൈതക്കാട് സ്ക്കൂളില്‍ ദുബായ് കെ.എം.സി.സി കൈതക്കാട് ശാഖ ചന്ദ്രിക ദിനപത്രം സ്പോണ്‍സര്‍ ചെയ്തു. സ്ക്കള്‍ അസംബ്ളിയില്‍ വെച്ച് കെ.എം.സി.സി.ക്ക് വേണ്ടി സാജിദ് പത്രം സ്ക്കൂള്‍ ലീഡര്‍ക്ക് കൈമാറി. വാര്‍ഡ് മെമ്പര്‍ അനൂപ് കുമാര്‍, മാനേജര്‍ ലത്തീഫ് നീലഗിരി, ഹെഡ്മിസ്ട്രസ് ശ്രീലത ടീച്ചര്‍, അബ്ദുള്‍ ഹാജി തുടങ്ങിയവര്‍ സംബന്ധിച്ചു.

റിപ്പബ്ളിക് ദിനാഘോഷം

ജനുവരി 26 റിപ്പബ്ളിക് ദിനം സമുചിതമായി ആഘോ‍ഷിച്ചു. ഹെഡ്മിസ്ട്രസ് ശ്രീലത ടീച്ചര്‍ പതാക ഉയര്‍ത്തി. റിപ്പബ്ളിക് ദിനത്തിന്റെ പ്രാധാന്യത്തെക്കുറിച്ച് സംസാരിച്ചു. ദേശഭക്തിഗാനം. റിപ്പബ്ളിക് ക്വിസ് തുടങ്ങിയവ സംഘടിപ്പിച്ചു. മധുരപലഹാര വിതരണം നടത്തി.

ഹരിത കേരളം മിഷന്റെ നേതൃത്വത്തില്‍ രൂപം നല്‍കിയ ഹരിതമുറ്റം പദ്ധതിയുടെ ഭാഗമായി സ്ക്കുള്‍ മുറ്റത്ത് ഫല വൃക്ഷത്തൈകള്‍ നട്ട് സ്ക്കൂള്‍ പരിസരം ഹരിതാഭമാക്കുന്നതിന് തുടക്കം കുറിച്ചു.

സുരീലി ഹിന്ദി

രാഷ്ട്രഭാഷയില്‍ കുട്ടികള്‍ക്ക് താല്പര്യം ജനിപ്പിക്കുന്നതിനും ലളിതമായ വഴിയിലൂടെ ഹിന്ദി പഠനം സുഗമമാക്കുന്നതിനും ആറാം തരം വിദ്യാര്‍ത്ഥികള്‍ക്ക് വേണ്ടി സുരീലി ഹിന്ദി പരിപാടി സംഘടിപ്പിച്ചു. ഹിന്ദി അധ്യാപകര്‍ക്ക് വേണ്ടി ബി.ആര്‍.സി.യില്‍ നടന്ന ദ്വിദിന ഹിന്ദി പരിശീലനത്തില്‍ വെച്ച് പഠനോപകരണങ്ങള്‍ നിര്‍മ്മിക്കുകയും സ്ക്കൂളില്‍ അത് വെച്ച് ഒരു ദിവസത്തെ ഹിന്ദി ക്യാമ്പ് സംഘടിപ്പിക്കുകയും ചെയ്തു.

ഹിന്ദി അധ്യാപികയായ വിജയ ടീച്ചര്‍ ക്യാമ്പിന് നേതൃത്വം നല്‍കി. പാട്ടുകളും കളികളുമായി ക്യാമ്പ് കുട്ടികള്‍ക്ക് നവ്യാനുഭവമായി.

ഗണിത പഠനോപകരണ ശില്‍പശാല

പ്ഒതു വിദ്യാഭ്യാസ സംരക്ഷണ യജ്ഞം ഫലപ്രദമായി നടപ്പിലാക്കുന്നതിന് വേണ്ടി തയ്യാറാക്കിയ അക്കാദമിക മാസ്റ്റര്‍ പ്ലാന്‍നിര്‍വ്വഹണ പരിപാടിയുടെ ഭാഗമായി ഗണിത വിഷയത്തില്‍ പിന്നോക്കം നില്‍ക്കുന്ന കുട്ടികളെ കണ്ടെത്തി മുന്നോക്കത്തിലെത്തിക്കുന്നതിന് വേണ്ടിയുള്ള പ്രത്യേക പഠന പ്രവര്‍ത്തനത്തിന് വേണ്ടി ഗണിത പഠനോപകരണ ശില്‍പശാല സംഘടിപ്പിച്ചു.

രക്ഷിതാക്കളും അധ്യാപകരും പഠനോപകരണ നിര്‍മ്മാണ പരിപാടിയില്‍ പങ്കാളികളായി.ബി.ആര്‍.സി. ട്രെയിനര്‍ സ്നേഹലത ടീച്ചരുടെ നേതൃത്വത്തില്‍ ബി.ആര്‍.സി. യിലെ സ്പെഷലിസ്റ്റ് ടീച്ചേര്‍സും ഹോസ്ദുര്‍ഗ് ബി.ആര്‍.സി. ട്രെയിനര്‍ സജീവന്‍ മാസ്റ്റരും ശില്‍പശാലക്ക് നേതൃത്വം നല്‍കി.

സ്ക്കൂള്‍ പുതിയ കെട്ടിടത്തില്‍ പ്രവര്‍ത്തനമാരംഭിച്ചു.

വര്‍ഷങ്ങള്‍ നീണ്ട കാത്തിരിപ്പിന് ശേഷം കൈതക്കാട് എ.യു.പി.സ്ക്കൂള്‍ പുതിയ കെട്ടിടത്തിലേക്ക് മാറി ഒന്നു മുതല്‍ ഏഴ് വരെ ക്ലാസ്സുകള്‍ ഒന്നിച്ച് പ്രവര്‍ത്തനമാരംഭിച്ചു. ആര്‍ഭാടങ്ങളില്ലാതെ ഔപചാരികമായി പുതിയ കെട്ടിടത്തിലേക്കുള്ല പ്രവര്‍ത്തന ഉദ്ഘാടനം സ്ക്കൂള്‍ അസംബ്ലിയില്‍ ഹെഡ്മിസ്ട്രസ് ശ്രീലത ടീച്ചറുടെ അധ്യക്ഷതയില്‍ ജമായത്ത് ഭാരനാഹികളും പി.ടി.എ.ഭാരവാഹികളും ഒന്നിച്ച് ചേര്‍ന്ന് നിര്‍വ്വഹിച്ചു. വാര്‍‍ഡ് മെമ്പര്‍ അനൂപ് കുമാര്‍, സ്ക്കൂള്‍ മാനേജര്‍ ലത്തീഫ് നീലഗിരി, ഷുക്കൂര്‍ ഹാജി, പറമ്പത്ത് അസൈനാര്‍ തുടങ്ങിയവര്‍ സംബന്ധിച്ചു. മധുര പലഹാര വിതരണം നടത്തി.