ഗണിതോല്‍സവം

ഗണിതോല്‍സവം 2015

നെഹ്റു ആര്‍ട്സ് & സയന്‍സ് കോളേജില്‍ വച്ച് നടന്ന ഗണിത എക്സിബിഷന്‍ കാണുന്നതിനായി ഗണിത പഠനയാത്ര സംഘടിപ്പിച്ചു. ഗണിതോല്‍സവം 2015 ന്റെ ഭാഗമായി നടത്തിയ യാത്രയില്‍ ഗണിത ക്ലബ്ബിലെ അറുപതോളം കുട്ടികള്‍ പങ്കെടുത്തു.

ക്ലബ്ബ് കണ്‍വീനര്‍ വിശ്വനാഥന്‍ മാസ്റ്റര്‍, അലി മാസ്റ്റര്‍, പ്രസന്ന ടീച്ചര്‍, അനിത ടീച്ചര്‍ എന്നിവര്‍ നേതൃത്വം നല്‍കി.

റണ്‍ കേരള റണ്‍

റണ്‍ കേരള റണ്‍

മുപ്പത്തഞ്ചാം നാഷണല്‍ ഗെയിംസിനോടനുബന്ധിച്ച് നടത്തപ്പെട്ട കൂട്ടയോട്ടം കൈതക്കാട് എ.യു.പി സ്കൂളില്‍ വ൯ പൊതുജന പങ്കാളിത്തത്തോടെ നടന്നു.സ്കൂള്‍‌ മാനേജ൪ ശ്രീ ലത്തീഫ് നീലഗിരി,പി.ടി.എ പ്രസിഡണ്ട് എം.ടി.പി ഷാഹുല്‍ഹമീദ് ,എക്സിക്യൂട്ടീവ്കമ്മിറ്റി അംഗങ്ങളായ സാലി ,ഹരീഷ്,മറിയംബി ടീച്ച൪ മുതലായവരുടെ നേതൃത്വത്തില്‍ പി.ടി.എ അംഗങ്ങളും നാട്ടുകാരും സ്കൂള്‍ ഹെഡ്മിസ്ട്രസ് ശ്രീലതടീച്ചറും,മുഴുവന്‍ അധ്യാപകരും വിദ്യാ൪ത്ഥികളും സ്കൂള്‍ ഗ്രൗണ്ടില്‍ അണിനിരന്നു.

പ്രധാനാധ്യാപിക സ്വാഗതം പറഞ്ഞു.ഏഴാംതരം വിദ്യാ൪ത്ഥി ജനീഷ.എം.വി പ്രതിജ്ഞ ചൊല്ലിക്കൊടുത്തു.വാ൪ഡ് മെമ്പ൪ സൗദത്ത്.ടി.കെ.എം ഫ്ലാഗ് ഓഫ് ചെയ്തതിനുശേഷം സ്കൂള്‍ ഗ്രൗണ്ടില്‍ നിന്ന് ദേശീയഗെയിംസിന് പിന്തുണയും ഐക്യദാ൪ഡ്യവും പ്രഖ്യാപിച്ചുകൊണ്ട് കൂട്ടയോട്ടം ആരംഭിച്ചു.

പച്ചക്കറി വിളവെടുപ്പ്

പച്ചക്കറി വിളവെടുപ്പ്

ഇക്കോ ക്ലബ്ബിന്റെ നേതൃത്വത്തില്‍ സ്ക്കുള്‍ വളപ്പില്‍ കൃഷി ചെയ്ത പച്ചക്കറിയുടെ വിളവെടുപ്പ് ഇക്കോ ക്ലബ്ബ് കണ്‍വീനര്‍ അലി മാസ്റ്റര്‍ നിര്‍വ്വഹിച്ചു. പരിമിതമായ സ്ഥല സൗകര്യത്തില്‍ വിളയിച്ചെടുത്ത പച്ചക്കറികള്‍ ഉച്ചഭക്ഷണത്തിന് കറികളുണ്ടാക്കാനായി ഉപയോഗിച്ചുവരുന്നു.

BLEND TRAINING FOR HEADMASTERS

 പ്രധാനാധ്യാപക൪ക്കുളള   ബ്ള൯ഡ്  പരിശീലനം

രക്ഷാകര്‍ത്തൃ സമ്മേളനം

രക്ഷാകര്‍ത്തൃ സമ്മേളനം

 

സര്‍വ്വശിക്ഷാ അഭിയാന്റെ ആഭിമുഖ്യത്തില്‍ കുട്ടികളെ മികച്ച പൗരന്‍മാരാക്കി വളര്‍ത്തുന്നതില്‍ രക്ഷിതാവെന്ന നിലയില്‍ ഓരോരുത്തരുടെയും ഉത്തരവാദിത്വം ബോധ്യപ്പെടുത്തുന്നതിനായി 2014 നവംബര്‍ 21 വെള്ളിയാഴ്ച 2മണിക്ക് സ്ക്കൂളില്‍ വെച്ച് രക്ഷാകര്‍ത്തൃ സമ്മേളനം നടന്നു. ഹെഡ്മിസ്ട്രസ് പി.ശ്രീലത ടീച്ചര്‍ സ്വാഗത പ്രഭാഷണം നടത്തി. വാര്‍ഡ് മെമ്പര്‍ സൗദത്ത് ടി.കെ.എം. ഉദ്ഘാടനം ചെയ്തു. എം.പി.ടി.എ. പ്രസിഡണ്ട് സജിത, പി.പി.പി. ആശംസകളര്‍പ്പിച്ചു.

കുട്ടിയുടെ അവകാശങ്ങള്‍ സംരക്ഷിക്കുന്ന അവകാശാധിഷ്ഠിത വിദ്യാലയം,ക്ലീന്‍ സ്ക്കൂള്‍,സ്മാര്‍ട്ട് സ്ക്കൂള്‍,ശിശുസൗഹൃദ വിദ്യാലയം, എന്നീ സങ്കല്‍പ്പത്തിലേക്കുയരാന്‍ കൂട്ടായ ശ്രമങ്ങള്‍ ആവശ്യമാണെന്ന് ബോധ്യപ്പെടുത്തുന്ന ക്ലാസ്സ് അഹമ്മദ് കുട്ടി മാസ്റ്റര്‍, കെ.വിജയ ടീച്ചര്‍ എന്നിവര്‍ കൈകാര്യം ചെയ്തു.

ശാസ്ത്രമേള

ശാസ്ത്രമേളയില്‍ മികച്ച പ്രകടനം

ഒക്ടോബര്‍ 14,15, തീയ്യതികളിലായി കൈക്കോട്ട്കടവ് ഹൈസ്ക്കൂളില്‍ വെച്ച് നടന്ന ഉപജില്ലാ ശാസ്ത്ര, ഗണിതശാസ്ത്ര, പ്രവൃത്തി പരിചയ മേളയില്‍ കൈതക്കാട് എ.യു.പി. സ്ക്കൂളിലെ കുട്ടികള്‍ മികച്ച പ്രകടനം കാഴ്ചവെക്കുകയുണ്ടായി.

യു.പി.വിഭാഗം പൂക്കള്‍ നിര്‍മ്മാണത്തില്‍ ദിനില്‍ ദാസ് മൂന്നാം സ്ഥാനവും കയര്‍ കൊണ്ടുള്ള ചവിട്ടി നിര്‍മ്മാണത്തില്‍ ഷഹബാന.എ , “എ" ഗ്രേഡും, ഹസ്നത്ത് ബീവി മുത്തുകൊണ്ട് മാല കോര്‍ക്കലില്‍ "എ" ഗ്രേഡും, ഉമ്മു ഹാനിയ എംബ്രോയിഡറിയില്‍ "എ" ഗ്രേഡും, കുടനിര്‍മ്മാണത്തില്‍ മുഫീദലി "ബി" ഗ്രേഡും ബാഡ്മിന്റണ്‍ നെറ്റ് നിര്‍മ്മാണത്തില്‍ അര്‍ഷാദ് "ബി" ഗ്രേഡും കരസ്ഥമാക്കി. എല്‍.പി.വിഭാഗം ബാഡ്മിന്റണ്‍ നെറ്റ് നിര്‍മ്മാണത്തില്‍ വിസ്മയ.ഇ.വി.,എംബ്രോയിഡറിയില്‍ ഫായിസ് എ.കെ , കയര്‍ കൊണ്ടുള്ള ചവിട്ടി നിര്‍മ്മാണത്തില്‍ അനഘ എസ്.എസ്. എന്നിവര്‍ മൂന്നാം സ്ഥാനം നേടുകയുണ്ടായി. ഖദീജത്ത് സഫിയ മുത്തുകൊണ്ട് മാല കോര്‍ക്കലില്‍ "എ" ഗ്രേഡ് നേടി.

ശാസ്ത്രമേള എല്‍.പി.വിഭാഗം ചാര്‍ട്ടില്‍ ഫാത്തിമ.എം.,മുഹമ്മദ് നബീല്‍ എന്നിവര്‍ രണ്ടാം സ്ഥാനം "എ" ഗ്രേഡ് കരസ്ഥമാക്കി ജില്ലാതല മല്‍സരത്തിലേക്ക് അര്‍ഹത നേടി.

യു.പി. വിഭാഗം ഗണിത മാഗസിന് രണ്ടാം സ്ഥാനം "എ" ഗ്രേഡ് ലഭിച്ച് ജില്ലാ മേളയ്ക്ക് അര്‍ഹത നേടി.ജ്യോമട്രിക്കല്‍ ചാര്‍ട്ടില്‍ മഷ്റൂഫ.പി. മൂന്നാം സ്ഥാനം "എ" ഗ്രേഡ് നേടി. എല്‍.പി. വിഭാഗം ജ്യോമട്രിക്കല്‍ ചാര്‍ട്ടില്‍ നഫീസത്തുല്‍ മിസ്രിയ ക്ക് മൂന്നാം സ്ഥാനം ലഭിച്ചു.

ഐ.ടി. മേളയില്‍ യു.പി.വിഭാഗം മലയാളം ടൈപ്പിംഗില്‍ മുഹമ്മദ് മുസ്തഫ.എം.ടി.പി. മൂന്നാം സ്ഥാനം നേടി.

മേളയില്‍ മികച്ച പ്രകടനം കാഴ്ചവെച്ച കുട്ടികള്‍ക്ക് ഹെഡ്മിസ്ട്രസ് ശ്രീലത ടീച്ചര്‍ സ്ക്കൂള്‍ അസംബ്ലിയില്‍ സര്‍ട്ടിഫിക്കറ്റ് വിതരണം നടത്തി.

കായിക മേള

ഉപജില്ലാ കായികമേളയില്‍ ഉജ്വല നേട്ടം

2014-15 ചെറുവത്തൂര്‍ ഉപജില്ലാ കായികമേളയില്‍ കൈതക്കാട് എ.യു.പി. സ്ക്കൂള്‍ ഉജ്വല നേട്ടം കൈവരിച്ചു. എല്‍.പി.വിഭാഗം ഓവറോള്‍ ചാമ്പ്യന്‍ഷിപ്പ് രണ്ടാം സ്ഥാനം, യു.പി.വിഭാഗം ഓവറോള്‍ ചാമ്പ്യന്‍ഷിപ്പ് രണ്ടാം സ്ഥാനം, യു.പി.വിഭാഗം കിഡ്ഡീസ് ഗേള്‍സ് ഒന്നാം സ്ഥാനം എന്നിവ സ്ക്കൂള്‍ കരസ്ഥമാക്കി.

 

എല്‍.പി.വിഭാഗം മിനി ഗേള്‍സ് വ്യക്തിഗത ചാമ്പ്യന്‍ഷിപ്പ് രണ്ടാം ക്ലാസ് വിദ്യാര്‍ത്ഥിനി ഫാത്തിമത്ത് ഷിസ നേടി. മൂന്ന് ദിവസമായി പടന്ന എം.ആര്‍.വി.എച്ച്.എസ്.എസില്‍ നടന്ന ഉപജില്ലാ കായികമേളയില്‍ മികച്ച പ്രകടനം നടത്തിയ വിദ്യാര്‍ത്ഥികളെ സ്ക്കൂള്‍ അസംബ്ലിയില്‍ പി.ടി.എ. അനുമോദിച്ചു.

ഫാത്തിമത്ത് ഷിസ