FLASH NEWS

വിദ്യാലയത്തില്‍ സ്വാതന്ത്ര്യദിനം വിപുലമായി ആഘോഷിക്കുന്നു.ഇന്ത്യന്‍ സ്വാതന്ത്ര്യസമര ചരിത്രം നൃത്ത സംഗീത ശില്പം മുപ്പതോളം കുട്ടികള്‍ ചേര്‍ന്ന് അവതരിപ്പിക്കുന്നു.

Friday, 16 February 2018


പഠന യാത്ര - 2017-18




അക്കാദമിക് മാസ്റ്റര്‍ പ്ലാന്‍ പ്രകാശനം
ഗുണമേന്‍മയുള്ള വിദ്യാഭ്യാസം കുട്ടികളുടെ അവകാശമാണ്. അതുകൊണ്ട് തന്നെ അക്കാദമിക് മികവ് വര്‍ദ്ധിപ്പിക്കുന്നതിനുള്ള കൃത്യമായ പദ്ധതികള്‍ രൂപപ്പെട്ട് വരേണ്ടതുണ്ട്.ഭാഷ,ശാസ്ത്രം,ഗണിതം, സാമൂഹിക ശാസ്ത്രം, തുടങ്ങി എല്ലാ വിഷയങ്ങളും എല്ലാ വിദ്യാര്‍ത്ഥികള്‍ക്കും ആസ്വാദ്യകരമാക്കാനും, അവരെ മികച്ച നിലവാരത്തിലേക്ക് വളര്‍ത്താനുമുള്ള സമയബന്ധിത പദ്ധതികളാണ് സ്ക്കൂളിലെ അക്കാദമിക് മാസ്റ്റര്‍ പ്ലാന്‍.
വിദ്യാലയത്തിന്റെ കാഴ്ചപ്പാട്, അക്കാദമിക് ലക്ഷ്യങ്ങള്‍, മുന്‍ഗണനകള്‍,ഭൗതിക സാഹചര്യം,വിഭവ വിനിയോഗം, തുടങ്ങിയ പരിപാടികള്‍ സമൂഹത്തിന്റെ പങ്കാളിത്തത്തോടെ നടപ്പിലാക്കുന്ന ഭാവി പ്രവര്‍ത്തനങ്ങളുടെ അക്കാദമിക് മാസ്റ്റര്‍ പ്ലാനിന്റെ പ്രകാശനകര്‍മ്മം വാര്‍ഡ് മെമ്പര്‍ ശ്രീ. അനൂപ് കുമാര്‍ സ്കകൂള്‍ മാനേജര്‍ ശ്രീ. ലത്തീഫ് നീലഗിരിക്ക് കൈമാറിക്കൊണ്ട് നിര്‍വ്വഹിച്ചു.





ക്ലാസ്സ് ലൈബ്രറി ഉദ്ഘാടനം

പൊതുവിദ്യാഭ്യാസ സംരക്ഷണത്തിന്റെ ഭാഗമായി മുഴുവന്‍ ക്ലാസ്സുകളിലും ക്ലാസ്സ് ലൈബ്രറി സംവിധാനം രക്ഷിതാക്കളുടെയും അദ്ധ്യാപകരുടെയും സംയുക്താഭിമുഖ്യത്തില്‍ ഏര്‍പ്പെടുത്തി.


കുട്ടികളുടെ വായന പരിപോഷിപ്പിക്കുന്നതിനായി ഒന്നുമുതല്‍ നാല് വരെയുള്ള മുഴുവന്‍ക്ലാസ്സുകളിലും ഷെല്‍ഫും പുസ്തകങ്ങളും ഒരുക്കി. ലൈബ്രറി ഉദ്ഘാടനം വാര്‍ഡ് മെമ്പര്‍ അനൂപ് കുമാര്‍ നിര്‍വ്വഹിച്ചു. ചടങ്ങില്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു.

പി.ടി.. പ്രസിഡണ്ട് ടി.കെ ഫൈസല്‍, ഇബ്രാഹിം തട്ടാനിച്ചേരി,അരീഷ്, ബി.ആര്‍.സി.ട്രെയിനര്‍ സ്നേഹലത ടീച്ചര്‍ തുടങ്ങിയവര്‍ സംബന്ധിച്ചു.

പഠനയാത്ര 2017 -18



Friday, 2 February 2018




രക്ഷാകര്‍ത്തൃ പരിശീലനം
പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കാനുള്ള പ്രവര്‍ത്തനങ്ങളില്‍ സമൂഹത്തിന്റെ പങ്കാളിത്തം ഉറപ്പു വരുത്തുന്നതിനും വിദ്യാലയങ്ങളില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നടക്കുന്ന പ്രവര്‍ത്തനങ്ങള്‍ പങ്കുുവെയ്ക്കുന്നതിനുമായി വിദ്യാലയത്തില്‍ 2018 ഫെബ്രുവരി ഒന്ന് വ്യാഴാഴ്ച രണ്ട് മണിക്ക് രക്ഷാകര്‍ത്തൃ പരിശീലനം നടത്തി.

2017-18 വര്‍ഷത്തെ മികവുറ്റ പ്രവര്‍ത്തനങ്ങളുടെ സി.ഡി.പ്രദര്‍ശനം ഒരുക്കി.

Saturday, 27 January 2018



 
റിപ്പബ്ലിക് ദിനാഘോഷം
ഭാരതത്തിന്റെ അറുപത്തി ഒമ്പതാമത് റിപ്പബ്ലിക് ദിനം വിവിധ പരിപാടികളോടെ ആഘോഷിച്ചു. മുഴുവന്‍ അധ്യാപകരുടെയും കുട്ടികളുടെയും സാന്നിധ്യത്തില്‍ ഹെഡ്മിസ്ട്രസ് ശ്രീലത ടീച്ചര്‍ പതാക ഉയര്‍ത്തി. സ്ക്കൂള്‍ മാനേജര്‍ ലത്തീഫ് നീലഗിരി, പി.ടി..അംഗങ്ങളായ ഫൈസല്‍, അരീഷ് തുടങ്ങിയവര്‍ റിപ്പബ്ലിക് ദിനാശംസകള്‍ നേര്‍ന്നു.

വിദ്യാര്‍ത്ഥികള്‍ റിപ്പബ്ലിക് ദിനത്തിന്റെ പ്രാധാന്യത്തെക്കുറിച്ച് സംസാരിച്ചു. തുടര്‍ന്ന് ക്വിസ് മല്‍സരം, ദേശഭക്ത് ഗാനാലാപനം തുടങ്ങിയ പരിപാടികള്‍ നടന്നു. മധുരപലഹാര വിതരണം നടത്തി.

Thursday, 25 January 2018


കോര്‍ണര്‍ പി . ടി .

പൊതുവിദ്യാഭ്യാസ സംരക്ഷണത്തിന്റെ ഭാഗമായി അദ്ധ്യാപക രക്ഷാകര്‍ത്തൃ ബന്ധം ശക്തമാക്കുന്നതിനും ക്ലാസ്സ് പി.ടി..യോഗങ്ങളില്‍ പങ്കെടുക്കാന്‍ കഴിയാത്ത രക്ഷിതാക്കളെ കുട്ടികളുടെ പഠന നിലവാരവും മികവും അറിയിക്കുന്നതിനും വേണ്ടി 23/01/2018 ചൊവ്വാഴ്ച വൈകുന്നേരം അഞ്ച് മണിക്ക് തഖ് വ നഗറില്‍ കോര്‍ണര്‍ പി.ടി.. സംഘടിപ്പിച്ചു.

ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. പി.ടി.. പ്രസിഡണ്ട് ടി.കെ. ഫൈസല്‍ അദ്ധ്യക്ഷത വഹിച്ചു. മാനേജര്‍ ലത്തീഫ് നീലഗിരി ഉദ്ഘാടനം നിര്‍വ്വഹിച്ചു.