FLASH NEWS

2018-19 അധ്യയന വര്‍ഷത്തെ ഒന്നു മുതല്‍ ഏഴു വരെ ഇംഗ്ലീഷ്്-മലയാളം മീഡിയം ക്ലാസ്സുകളിലേക്കുള്ള അഡ്മിഷന്‍ ആരംഭിച്ചിരിക്കുന്നു.........

Thursday, 7 June 2018



ജൂണ്‍ 5 ലോകപരിസ്ഥിതി ദിനം

ഓരോ പൗരനും സമഗ്ര മാറ്റം ഉള്‍ക്കൊണ്ട് പ്രകൃതി പരിപാലകരായി മാറാന്‍ കഴിയട്ടെ എന്ന് ടീച്ചര്‍ ആശംസിച്ചു.


തുടര്‍ന്ന് മുഴുവന്‍ കുട്ടികള്‍ക്കും വൃക്ഷത്തൈ വിതരണം ചെയ്തു. സ്ക്കൂള്‍ വളപ്പിലും, പരിസര പ്രദേശങ്ങളിലും വൃക്ഷത്തൈകള്‍ നട്ടു. പരിസ്ഥിതി ദിന ക്വിസ് , പോസ്റ്റര്‍ രചനാ മല്‍സരം എന്നിവ സംഘടിപ്പിച്ചു. പരിസ്ഥിതി ക്ലബ്ബ് രൂപീകരിച്ചു. വൃക്ഷത്തൈകള്‍ സംരക്ഷിക്കുന്നതിന് വിദ്യാര്‍ത്ഥികളെ ഗ്രൂപ്പുകളാക്കി ചുമതലകള്‍ നല്‍കി.

Monday, 4 June 2018



പ്രവേശനോല്‍സവം 2018-19

2018-19 അധ്യയന വര്‍ഷത്തെ നവാഗതരെ സ്വാഗതം ചെയ്തുകൊണ്ട് പി.ടി..യുടെ യും നാട്ടുകാരുടെയും സഹകരണത്തോടെ പ്രവേശനോല്‍സവം വിപുലമായ പരിപാടികളോടെ സ്ക്കൂളില്‍ വെച്ച് നടത്തി. മുതിര്‍ന്ന ക്ലാസ്സിലെ കുട്ടികളുടെ നേതൃത്വത്തില്‍ നടന്ന പ്രവേശനോല്‍സവ ഘോഷയാത്രയില്‍ പ്രവേശനോല്‍സവ ഗാനം ആലപിച്ചു കൊണ്ട് അക്ഷരലോകത്തേക്ക് കുരുന്നുകളെ സ്വാഗതം ചെയ്തു.

പ്രവേശനോല്‍സവത്തിന്റെ ഉദ്ഘാടന ചടങ്ങില്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു. പി.ടി..പ്രസിഡണ്ട് ടി.കെ. ഫൈസലിന്റെ അധ്യക്ഷതയില്‍ കൈതക്കാട് ജമായത്ത് പ്രസിഡണ്ട് അബ്ദുള്‍ ഷുക്കൂര്‍ ഹാജി ഉദ്ഘാടനം നിര്‍വ്വഹിച്ചു. വാര്‍ഡ് മെമ്പര്‍ അനൂപ് കുമാര്‍, സ്ക്കള്‍ മാനേജര്‍ ലത്തീഫ് നീലഗിരി, മറ്റ് മാനേജ് മെന്റ് ഭാരവാഹികള്‍, പി.ടി..ഭാരവാഹികള്‍, തുടങ്ങിയവര്‍ ആശംസകള്‍ അര്‍പ്പിച്ചു.

എല്‍.എസ്.എസ്.വിജയി ശ്രീഹരിക്കുള്ള ഉപഹാര സമര്‍പ്പണം വാര്‍ഡ് മെമ്പര്‍ അനൂപ് കുമാര്‍ നിര്‍വ്വഹിച്ചു. സ്റ്റാഫ് സെക്രട്ടരി ചന്രമതി ടീച്ചര്‍ നന്ദി രേഖപ്പെടുത്തി. തുടര്‍ന്ന് മധുര പലഹാര വിതരണം നടന്നു.
പൊതു വിദ്യാഭ്യാസ സംരക്ഷണത്തിന്റെ തുടര്‍ച്ചയെന്നോണം ഒന്നാം ക്ലാസ്സില്‍ 60 വിദ്യാര്‍ത്ഥികളടക്കം ഒന്നുമുതല്‍ ഏഴു വരെ ക്ലാസ്സുകളിലായി 110 ഓളം കുട്ടികള്‍ വിദ്യാലയത്തില്‍ പുതുതായി പ്രവേശനം നേടിയിട്ടുണ്ട്.

Saturday, 24 March 2018


സര്‍ഗ്ഗോല്‍സവം / മികവുല്‍സവം 2018
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിദ്യാലയങ്ങളെ മികവിന്റെ കേന്ദ്രങ്ങളാക്കുന്നതിനായി നടപ്പിലാക്കിയ പരിപാടികളുടെ നേട്ടങ്ങള്‍ സമൂഹവുമായി പങ്കിടുക എന്ന ലക്ഷ്യത്തോടെ സ്ക്കൂളിന്റെ സമീപ പ്രദേശമായ പയ്യങ്കിയില്‍ 23/03/2018 വെള്ളിയാഴ്ച്ച വൈകുന്നേരം 4:30 ന് സര്‍ഗ്ഗോല്‍സവം സംഘടിപ്പിച്ചു.





Tuesday, 6 March 2018




വാര്‍ഷികാഘോഷവും
എന്‍ഡോവ്മെന്റ് വിതരണവും
പരിപാടിയുടെ ഉദ്ഘാടനം പി.ടി..പ്രസിഡണ്ട് ടി.കെ. ഫൈസലിന്റെ അദ്ധ്യക്ഷതയില്‍ കൈതക്കാട് ജമായത്ത് സെക്രട്ടറി ശ്രീ. കെ.അബ്ദുള്‍ ഷുക്കൂര്‍ ഹാജി നിര്‍വ്വഹിച്ചു. ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു.
ഒന്നു മുതല്‍ ഏഴു വരെ ക്ലാസ്സുകളിലെ മികച്ച വിദ്യാര്‍ത്ഥികള്‍ക്കുള്ള സമ്മാന വിതരണം ഖത്തര്‍ കമ്മിറ്റി അംഗം ശ്രീ. സി. അഷ്രഫ് ഹാജിയും, 2017 മാര്‍ച്ച് എസ്.എസ്.എല്‍.സി. പരീക്ഷയില്‍ ഉന്നത വിജയം നേടിയ പുര്‍വ്വ വിദ്യാര്‍ത്ഥികളായ സ്നേഹ, ആയിഷ. .വി. എന്നീ വിദ്യാര്‍ത്ഥികള്‍ക്കുളള ഉപഹാര സമര്‍പ്പണം സ്ക്കുള്‍ മാനേജര്‍ ശ്രീ.ലത്തീഫ് നീലഗിരിയും നിര്‍വ്വഹിച്ചു.

സ്ക്കുളിലെ മികച്ച ശാസ്ത്ര വിദ്യാര്‍ത്ഥിക്കുള്ള ഇ. കുഞ്ഞികൃഷ്ണന്‍ നമ്പി മാസ്റ്റര്‍ സ്മാരക എന്‍ഡോവ്മെന്റ് ഏഴ് ബി. ക്ലാസ്സിലെ ഗൗരീ ലക്ഷ്മിക്ക് ശ്രീ. .രാജഗോപാലന്‍ മാസ്റ്റരും, സ്ക്കൂളിലെ മികച്ച വിദ്യാര്‍ത്ഥിക്കുള്ള ടി.വി. രാജീവന്‍ മാസ്റ്റര്‍ സ്മാരക എന്‍ഡോവ്മെന്റ് എഴ് എ ക്ലാസ്സിലെ ഫൈസാന. . ക്ക് ശ്രീമതി. വിജയ ടീച്ചരും വിതരണം ചെയ്തു.


സ്റ്റാഫ് സെക്രട്ടറി ചന്ദ്രമതി ടീച്ചര്‍ നന്ദി രേഖപ്പെടുത്തി. തുടര്‍ന്ന് വിദ്യാര്‍ത്ഥികളുടെ സര്‍ഗ്ഗ വൈഭവങ്ങള്‍ പ്രകടിപ്പിക്കുന്ന കലാപരിപാടികള്‍ അരങ്ങേറി.

Friday, 16 February 2018


പഠന യാത്ര - 2017-18




അക്കാദമിക് മാസ്റ്റര്‍ പ്ലാന്‍ പ്രകാശനം
ഗുണമേന്‍മയുള്ള വിദ്യാഭ്യാസം കുട്ടികളുടെ അവകാശമാണ്. അതുകൊണ്ട് തന്നെ അക്കാദമിക് മികവ് വര്‍ദ്ധിപ്പിക്കുന്നതിനുള്ള കൃത്യമായ പദ്ധതികള്‍ രൂപപ്പെട്ട് വരേണ്ടതുണ്ട്.ഭാഷ,ശാസ്ത്രം,ഗണിതം, സാമൂഹിക ശാസ്ത്രം, തുടങ്ങി എല്ലാ വിഷയങ്ങളും എല്ലാ വിദ്യാര്‍ത്ഥികള്‍ക്കും ആസ്വാദ്യകരമാക്കാനും, അവരെ മികച്ച നിലവാരത്തിലേക്ക് വളര്‍ത്താനുമുള്ള സമയബന്ധിത പദ്ധതികളാണ് സ്ക്കൂളിലെ അക്കാദമിക് മാസ്റ്റര്‍ പ്ലാന്‍.
വിദ്യാലയത്തിന്റെ കാഴ്ചപ്പാട്, അക്കാദമിക് ലക്ഷ്യങ്ങള്‍, മുന്‍ഗണനകള്‍,ഭൗതിക സാഹചര്യം,വിഭവ വിനിയോഗം, തുടങ്ങിയ പരിപാടികള്‍ സമൂഹത്തിന്റെ പങ്കാളിത്തത്തോടെ നടപ്പിലാക്കുന്ന ഭാവി പ്രവര്‍ത്തനങ്ങളുടെ അക്കാദമിക് മാസ്റ്റര്‍ പ്ലാനിന്റെ പ്രകാശനകര്‍മ്മം വാര്‍ഡ് മെമ്പര്‍ ശ്രീ. അനൂപ് കുമാര്‍ സ്കകൂള്‍ മാനേജര്‍ ശ്രീ. ലത്തീഫ് നീലഗിരിക്ക് കൈമാറിക്കൊണ്ട് നിര്‍വ്വഹിച്ചു.





ക്ലാസ്സ് ലൈബ്രറി ഉദ്ഘാടനം

പൊതുവിദ്യാഭ്യാസ സംരക്ഷണത്തിന്റെ ഭാഗമായി മുഴുവന്‍ ക്ലാസ്സുകളിലും ക്ലാസ്സ് ലൈബ്രറി സംവിധാനം രക്ഷിതാക്കളുടെയും അദ്ധ്യാപകരുടെയും സംയുക്താഭിമുഖ്യത്തില്‍ ഏര്‍പ്പെടുത്തി.


കുട്ടികളുടെ വായന പരിപോഷിപ്പിക്കുന്നതിനായി ഒന്നുമുതല്‍ നാല് വരെയുള്ള മുഴുവന്‍ക്ലാസ്സുകളിലും ഷെല്‍ഫും പുസ്തകങ്ങളും ഒരുക്കി. ലൈബ്രറി ഉദ്ഘാടനം വാര്‍ഡ് മെമ്പര്‍ അനൂപ് കുമാര്‍ നിര്‍വ്വഹിച്ചു. ചടങ്ങില്‍ ഹെഡ്മിസ്ട്രസ് ശ്രീലത ടീച്ചര്‍ സ്വാഗതമാശംസിച്ചു.

പി.ടി.. പ്രസിഡണ്ട് ടി.കെ ഫൈസല്‍, ഇബ്രാഹിം തട്ടാനിച്ചേരി,അരീഷ്, ബി.ആര്‍.സി.ട്രെയിനര്‍ സ്നേഹലത ടീച്ചര്‍ തുടങ്ങിയവര്‍ സംബന്ധിച്ചു.